Міністр абароны Рэспублікі Беларусь Віктар Хрэнін узнагароджаны адным з найвышэйшых ордэнаў Кубы — ордэнам «Плая Хірон», паведамляе прэс-служба ведамства.
Ордэн уручаецца кубінцам і замежнікам, кіраўнікам дзяржаў і ўрадаў за выдатныя адрозненні ў барацьбе супраць імперыялізму і рэакцыйных сіл, за высокія дасягненні ў імя міру і прагрэсу чалавецтва.
Выступаючы перад прысутнымі на ўрачыстай цырымоніі ўзнагароджання, Віктар Хрэнін сказаў:
«Перакананы, што найперш гэта ацэнка штодзённай ратнай працы ўсіх вайскоўцаў беларускай арміі. Я ўсведамляю той высокі ўзровень адказнасці, які ўсклала на мяне гэтая ўзнагарода. Хачу запэўніць, што мы прыкладзем усе свае сілы для забеспячэння міру і бяспекі».
Беларусь у лютым 2022 года стала краінай-саўдзельніцай у агрэсіі Расіі супраць Украіны.
Хрэнін цяпер знаходзіцца на Кубе з афіцыйным візітам.
Цяпер чытаюць
Хлопца, які ў Лебедзевай хаяў Еўропу, асудзілі за ўдзел у пратэстах і ўхіленне ад войска2
Каментары