Жыхар Ліды патэлефанаваў у міліцыю — яго асудзілі за абразу Лукашэнкі
Атрымаў год калоніі.
27 снежня 2023 года ў Лідзе агучылі прысуд 63-гадоваму Генадзю Жукелю. Яго прызналі вінаватым паводле арт. 368 Крымінальнага кодэксу (абраза Лукашэнкі) і асудзілі да года пазбаўлення волі ў калоніі агульнага рэжыму, піша «Вясна».
Прысуд агучыла суддзя Наталля Лобан.
Мужчына патэлефанаваў у раённую міліцыю і выказаўся ў бок Лукашэнкі, калі размаўляў з дзяжурным.
У гэты момант ён быў у стане алкагольнага ап'янення. Раней яго ўжо судзілі за хуліганства і некалькі разоў прыцягвалі да адміністрацыйнай адказнасці.
Каментары