Ст. Радашковічы Лібава-Роменскай чыгункі. Каля станцыі вырасла як бы маленькае мястэчка, ёсьць тут манаполька, пара крам і заездаў, колькі гандляроў і майстар малатарань. У «Нашай Ніве» пісалася пра тое, што патрэбна тут хоць якая школа. Пэўне, гэтыя модлы да кагось дайшлі, бо цяпер адкрыліся аж 2 школы і вучыцца каля 200 дзяцей.
П.
Пачтовая скрынка
С. Плаў-ку (будучаму Зьмітраку Бядулю. — «НН») . У вершах вашых ёсьць добрая думка, але слаба апрацаваны. Ёсьць звароты такія, што ніяк ня могуць быць у вершах, як напрыклад: «Дзе чарот мармочыць, там русалкі шайкі» або аб «Белай сьмятане і тумане» дый другія. Пішыце карэпандэнцыі, яны ў вас дужа цікавыя і маюць для нас вялікую вагу.
1911, №3, 20 студзеня.
Каментары