Расія за два гады страціла каля 83 тысяч забітымі — аналіз статыстыкі
Летам 2023 года «Медуза» разам з «Медыязонай» і даследчыкам лішкавай смяротнасці Дзмітрыем Кобакам знайшла найбольш дакладны спосаб падліку страт расійскай арміі.
Тады журналісты ацанілі колькасць загінулых ва Украіне расійскіх вайскоўцаў у 47 тысяч чалавек. Зараз — другая частка даследавання, на гэты раз яна ахоплівае перыяд амаль у два гады, з 24 лютага 2022-га па канец 2023-га.
Вось некаторыя з галоўных высноў новага даследавання:
Да канца 2023 года страты расійскай арміі забітымі выраслі да 75 тысяч. Да другой гадавіны вайны, калі меркаваць, што падчас захопу Аўдзееўкі расійская армія губляла людзей тымі ж тэмпамі, што ў чацвёртым квартале 2023-га,
колькасць загінулых магла вырасці ўжо да 83 тысяч.
Група вайскоўцаў, шырока прадстаўленая ў ваенных стратах Расіі, — завербаваныя на вайну зняволеныя. Да канца мінулага года, паводле ацэнкі, загінулі 20 тысяч людзей, якія падпісалі кантракты з Мінабароны ці ПВК у абмен на магчымасць амністыі.
Страты сярод мабілізаваных расіянаў на тую ж дату склалі каля 16 тысяч чалавек.
Кожны тыдзень ва Украіне гінуць каля 250 чалавек, прымусова адпраўленых на фронт.
Агульны тэмп страт УС РФ у апошнія шэсць месяцаў — 120 чалавек у дзень.
Так выглядае смяротны канвеер, які пабудавалі расійскія ўлады за два гады вайны.
Цяпер чытаюць
Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу2
Каментары