Студэнта ў Пакістане прысудзілі да смяротнага пакарання праз паведамленні ў WhatsApp
Суд правінцыі Пенджаб заявіў, што хлопец падзяліўся фатаграфіямі і відэа з намерам абразіць рэлігійныя пачуцці мусульман, паведамляе BBC. Па гэтай жа справе да пажыццёвага зняволення быў прысуджаны 17-гадовы юнак. Абодва адмаўляюць сваю віну.
Блюзнерства ў Пакістане караецца смерцю. Некаторых падазраваных лінчавалі яшчэ да таго, як іх справы былі перададзеныя ў суд.
Скарга была пададзеная ў 2022 годзе падраздзяленнем па барацьбе з кіберзлачыннасцю Федэральнага агенцтва расследаванняў Пакістана (FIA) у Лахоры, сталіцы правінцыі Пенджаб.
У рашэнні суда гаворыцца, што 22-гадовы мужчына быў прысуджаны да смяротнага пакарання за стварэнне фатаграфій і відэа, якія змяшчаюць абразы прарока Мухамеда і яго жонак. Другому абвінавачанаму далі пажыццёвае зняволенне за распаўсюд матэрыялаў.
Адпраўляльнік скаргі сцвярджаў, што атрымаў відэа і фатаграфіі з трох розных нумароў мабільных тэлефонаў. Супрацоўнікі FIA заявілі, што праверылі тэлефон пазоўніка і ўстанавілі, што яму былі адпраўленыя «непрыстойныя матэрыялы».
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары