Узнагароджанне фільма «20 дзён у Марыупалі» выразалі з міжнароднай тэлеверсіі «Оскара»
У Disney патлумачылі гэта «абмежаваннямі па часе»
Пра тое, што ў міжнародную тэлеверсію ўручэння «Оскара» не ўключылі ўзнагароджанне ў намінацыі «Найлепшы дакументальны фільм», 11 сакавіка паведаміў тэлеканал «Грамадская культура», які транслюе цырымонію ва Украіне, піша «Медуза».
Рэдакцыя канала выказала абурэнне арганізатарам 96-й цырымоніі ўручэння прэмій кампаніі Disney. Канал адзначыў, што летась, калі такую ж узнагароду атрымлівала каманда дакументальнага фільма «Навальны», прамову Юліі Навальнай з тэлеверсіі не выразалі.
Прадстаўнікі Disney адказалі, што асобныя намінацыі і часткі шоу не атрымалася ўлучыць у 90-хвілінную версію для міжнароднай аўдыторыі з-за часавых абмежаванняў.
Пры гэтым у кампаніі адзначылі, што падалі «Суспільне Культура» ліцэнзію на вяшчанне ва Украіне як поўнай версіі цырымоніі, так і скарочанай.
***
«20 дзён у Марыупалі» — дакументальная хроніка жыцця Марыупаля падчас першых дзён поўнамаштабнага ўварвання Расіі ва Украіну. Каманда рэпарцёраў Associated Press, у складзе якой былі рэжысёр Мсціслаў Чарноў, фатограф Яўген Малалетка і прадзюсар Васіліса Сцепаненка, на працягу 20 дзён здымалі абложаны расійскімі войскамі горад.
Дакументальны фільм «20 дзён у Марыупалі» прынёс першы «Оскар» у гісторыі Украіны
Пераможца «Оскара» за фільм пра Марыупаль — той самы аператар, які зняў забойства Тарайкоўскага
«Апенгеймер» — найлепшы фільм, Кіліян Мёрфі — найлепшы акцёр, Эма Стоўн — найлепшая актрыса
Адзін з самых яркіх момантаў «Оскара»
Фальшыўка рускага авангарду трапіла ў оскараносны «Апенгеймер». У гісторыі ёсць і беларускі след
Каментары