На фоне пазапланавых рамонтаў з-за ўкраінскіх дронавых атак на шэрагу расійскіх НПЗ з'явілася інфармацыя пра нарошчванне паставак на расійскі рынак беларускага паліва. Пра гэта ўчора паведаміла агенцтва Reuters, спасылаючыся на свае крыніцы. Цяпер на гэта з'явілася і рэакцыя з расійскага боку.
Паводле слоў кіраўніка камітэта энергетыкі Дзярждумы Паўла Завальнага, Масква сапраўды дамовілася з Мінскам пра рост паставак паліва на расійскі рынак у выпадку неабходнасці.
Пры гэтым Павел Завальны ўдакладніў, што Беларусь і да гэтага нібыта пастаўляла паліва, але цяпер прапрацаваны варыянт павелічэння аб'ёму, каб падстрахавацца і выключыць пытанні з магчымым дэфіцытам.
Пры гэтым, паводле сведчання высокапастаўленага дэпутатата, цяпер ніякага дэфіцыту нібыта няма. Запасы бензіну і дызеля цяпер, маўляў, перавышаюць сярэднегадавыя ўзроўні і дамоўленасці дасягнутыя на выпадак экстраннай сітуацыі.
«Але, улічваючы сітуацыю, каб не ствараць напружанасць, на ўсялякі выпадак мы дамовіліся з беларусамі пра пастаўкі. І дзякуй нашым братам беларусам, што яны з гэтым пагадзіліся, нягледзячы на тое, што ў іх ёсць экспартная альтэрнатыва, больш прэміяльны рынак для паставак паліва», — заявіў Завальны.
Чытайце таксама:
Расія павялічвае імпарт бензіну з Беларусі з-за атак беспілотнікаў на расійскія НПЗ
На Куйбышаўскім НПЗ пад Самарай пасля атакі беспілотніка адбыўся пажар
Цяпер чытаюць
Колькі афіцыйна зарабляюць сыны Аляксандра Лукашэнкі?6
Каментары