Жыхары Рагачова паскардзіліся на ржавую ваду — чыноўнікі ў адказ заклікалі «не паддавацца на правакацыі»
У райвыканкаме кажуць, што бяссільныя.
Жыхар раёна Малочна-кансервавага камбіната Рагачова ў мясцовым чаце «дыялогу з уладай» паскардзіўся на іржавую ваду з-пад крана.
Такімя скаргі ў рэгіёне паступаюць рэгулярна. Аднак гэтым разам мясцовыя чыноўнікі фактычна распісаліся ў сваёй бяссільнасці, піша «Флагшток».
Жыхар Рагачова ў чаце абвінаваціў камунальнікаў у нядбайнасці і прыгразіў, што паскардзіцца абласным уладам. Яму эмацыйна адказала намесніца начальніка аддзела ЖКГ Рагачоўскага райвыканкама Святлана Казакевіч.
Чыноўніца заявіла, што ў выканкаме ўсё вельмі перажываюць. Там ведаюць аб праблеме, праводзілі нарады з прадстаўнікамі ЖКГ вобласці.
«Звярнуліся да іх па дапамогу, так пакуль самі не можа вызначыць прычыны праблемы. Па выніках рабочай нарады прынята рашэнне выканаць шэраг сумесных мерапрыемстваў», — адзначыла Казакевіч.
Паводле яе слоў, спецыялісты працуюць кожны дзень, але пакуль не могуць вырашыць праблему. З-за гэтага, як заяўляе Казакевіч, у выканкаме ўсё вельмі перажываюць.
Чыноўніца таксама заклікала жыхароў «не паддавацца на правакацыі». На якія менавіта, яна не патлумачыла.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары