Сябар штаба Віктара Бабарыкі Іван Краўцоў у выпуску «Ток» распавёў, што вядома пра стан здароўя палітыка.
Іван адзначае, што цяпер інфармацыя пра здароўе палітзняволеных — вялікая праблема. Гэта тычыцца і інфармацыі пра Віктара Бабарыку.
«Мы не змаглі нечымі вачыма, напрыклад, родных (вядома, што яны, звычайна, па відэасувязі сазвоньваюцца), запэўніцца, што з ім усё ў парадку. Гэта прыгнятае. З іншага боку, ёсць інфармацыя з калоніі, што ён у парадку. І мы гэтай інфармацыі схільныя давяраць», — гаворыць Іван.
Паводле яго слоў, ёсць крыніцы, дзякуючы якім можна заўсёды атрымаць інфармацыю з калоніі ці бальніцы. І блізкія яе атрымлівалі. Таму, гаворыць Іван, «перажывання, што з ім зусім дрэнна, у нас няма».
Краўцоў заўважае, што не разумее логікі змены адносін уладаў да палітзняволеных.
«Пачынаючы з гэтага Новага года ўсіх ізалявалі. Але тут не заўсёды патрэбная логіка. Калі ты гэта можаш зрабіць, то чаму ты не робіш. Вось яны і зрабілі. Можа, дзіўна, што раней гэта было так даступна».
Віктара Бабарыку, мяркуючы з наяўнай інфармацыі, у ноч з 24 на 25 красавіка шпіталізавалі ў бальніцу Наваполацка. 12 мая ад праваабаронцаў з’явілася інфармацыя, што да свайго атрада ў наваполацкай калоніі ён нібыта ўжо не прыпісаны, а пазней — пра тое, што яго нібыта перавялі ў турэмную бальніцу пры СІЗА-1 у Мінску. 17 ліпеня сваякі палітыка трапілі на прыём у наваполацкую калонію. Там ім паведамілі, што Віктар Бабарыка знаходзіцца ў іх. Яго змясцілі ў памяшканне камернага тыпу (ПКТ), куды адпраўляюць за парушэнні на пэўны тэрмін. Сказалі, што яго здароўю нічога не пагражае, але яго самога не паказалі.
Глядзіце цалкам:
Цяпер чытаюць
«Чакаем у Мінску +1 славутасць!» Блогераў прывезлі ў былую турму на Валадарскага1
«Чакаем у Мінску +1 славутасць!» Блогераў прывезлі ў былую турму на Валадарскага
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары
мясцовы2, у 20-м што - былі апаненты?
Тебе больно, бот?