У рамках баявой праверкі ўзмацнілі патруляванне мяжы з Украінай
Сілы спецыяльных аперацый у цесным узаемадзеянні з ракетнымі войскамі і артылерыяй працягваюць выконваць вучэбна-баявыя задачы ў Гомельскай і Брэсцкай абласцях у рамках раптоўнай праверкі гатоўнасці злучэнняў і воінскіх часцей Узброеных сіл, паведамляе Мінабароны ў сваім тэлеграм-канале.
Адпрацоўваюцца пытанні:
— па ўзмацненні ўчасткаў дзяржаўнай мяжы на магчымых напрамках «незаконнага пранікнення на тэрыторыю Беларусі ўзброеных груп баевікоў»;
— перакрыцця каналаў дастаўкі зброі, боепрыпасаў і іншых сродкаў, якія могуць выкарыстоўвацца для дэстабілізацыі абстаноўкі ў краіне.
Для выяўлення дыверсійна-разведвальных груп і навалы сіл умоўнага суперніка ў цяжкадаступнай лясіста-багністай мясцовасці выкарыстоўваюцца беспілотныя разведвальныя комплексы, якія ў рэжыме рэальнага часу перадаюць каардынаты разлікам артылерыйскіх падраздзяленняў для нанясення агнявога паражэння, піша Мінабароны.
Чаму мы прайгралі ў 2020 годзе? Развагі Міколы Дзядка21
Каментары