22 ліпеня ў судзе Савецкага раёна Мінска адбудзецца працэс над канцэртным фатографам і музыкам Дзмітрыем Сачыўкам. Яго абвінавачваюць па «народным» артыкуле аб удзеле ў пратэстах, даведалася «Люстэрка».
Пасяджэнне пачнецца ў 10.30 і пройдзе ў адкрытым рэжыме, судзіць будзе Вольга Емяльянчанка.
Мужчыну абвінавачваюць паводле часткі 1 артыкула 342 КК — «Арганізацыя альбо актыўны ўдзел у групавых дзеяннях, якія груба парушаюць грамадскі парадак і спалучаныя з відавочным непадпарадкаваннем законным патрабаванням прадстаўнікоў улады або пацягнулі парушэнне працы транспарту, прадпрыемстваў, устаноў або арганізацый». Па гэтым артыкуле судзяць многіх шараговых удзельнікаў пратэстаў 2020 года.
Дзмітрыю Сачыўку пагражае пакаранне ў выглядзе арышту альбо, што больш верагодна, абмежавання волі на тэрмін ад 2 да 5 гадоў або пазбаўлення волі на тэрмін да 4 гадоў. Ці знаходзіцца мужчына пад вартай, невядома. У сацсетках ён не з'яўляўся больш за месяц.
Дзмітрый Сачыўка — музыка і фатограф, у першую чаргу вядомы здымкай рок-канцэртаў. Таксама ён быў журналістам сайта BelMetal. Нядаўна яму споўнілася 38 гадоў.
У 2021 годзе Дзмітрыя ўжо затрымлівалі на святкаванні Масленіцы ў Музеі валуноў у Мінску, яму тады прысудзілі 30 сутак арышту па артыкуле 24.23 аб удзеле ў несанкцыянаваным масавым мерапрыемстве.
Дарэчы, у гэты ж дзень у гэтым судзе будуць разглядаць яшчэ адну справу аб удзеле ў пратэстах. Па тым жа 342-м артыкуле будуць судзіць чалавека па імені Іван Сяміжон.
Айцішніка з A1 будуць судзіць за данаты. Яму пагражае да 10 гадоў калоніі
Работніцы суда пагражае да 12 гадоў за «заклікі да санкцый і абразу Лукашэнкі»
У Мінску хутка пачнуць судзіць пяць чалавек па гучнай справе за «падрыхтоўку тэракту ў Дзень Перамогі»
Айцішніца з Гродна вярнулася дадому з Польшчы. Яе затрымалі і будуць судзіць
Цяпер чытаюць
З Лондана Мельнікава вылецела на Шры-Ланку, у яе быў каханак спартовага выгляду з Беларусі49
Каментары