У Польшчы расце захворванне на каранавірус (SARS-CoV-2). За апошнія суткі зафіксавана 1193 выпадкі заражэнняў, пяць чалавек памерлі. Галоўны санітарны інспектар Павел Гжэзеўскі рэкамендаваў жыхарам Польшчы насіць маскі, піша Most.
Статыстыка Міністэрства аховы здароўя Польшчы ахоплівае толькі афіцыйна зафіксаваныя выпадкі — станоўчыя тэсты, выкананыя ў бальніцах або па накіраваннях дактароў.
Рэальная колькасць хворых можа быць значна вышэйшая: не ўсе праходзяць тэсты, а шмат хто купляе іх у аптэках і выконваюць самастойна ў хатніх умовах.
«Мы пацвярджаем, што хваля захворванняў расце. Цяжка падлічыць, колькі цяпер хворых, бо мы ўжо не робім тэсты масава, але трэнд, безумоўна, расце», — сказаў Гжэзеўскі агенцтву PAP.
Таксама, паводле яго слоў, павялічваецца колькасць пацыентаў, якія патрабуюць шпіталізацыі.
Пік чакаецца ў кастрычніку
Чакаецца, што пік захворвання прыйдзецца на другую палову кастрычніка, да таго моманту вырасце і доля маладых пацыентаў з ліку школьнікаў і студэнтаў.
Абавязковы масачны рэжым у Польшчы не ўведзены. Тым не менш Гжэзеўскі рэкамендуе насіць маскі, а таксама больш уважліва ставіцца да гігіены рук і дэзінфекцыі паверхняў. Гэта дазволіць знізіць распаўсюджванне не толькі кавіду, але і сезонных вірусаў.
Таксама санітарны інспектар раіць шырэй тэставацца на COVID-19 і выконваць меры самаізаляцыі пры выяўленні віруса.
Цяпер чытаюць
У Александрыі Лукашэнка пасадзіў да сябе 23‑гадовую прыгажуню23
Каментары