Суд ЕС адмовіўся здымаць санкцыі з «Беларуськалія» і Беларускай калійнай кампаніі
Суд ЕСЗ адмовіў у задавальненні пазоваў «Беларуськалія», ягонага гендырэктара Івана Галаватага і Беларускай калійнай кампаніі да Рады ЕС аб адмене санкцый, піша Радыё Свабода.
Юрысты, якія прадстаўляюць беларускага вытворцу ўгнаенняў, настойвалі на тым, што санкцыі парушаюць прынцып законнасці. Акрамя таго, у якасці аргументаў яны ўказвалі на памылку ў ацэнках, парушэнне прынцыпу недыскрымінацыі, прапарцыйнасці абмежавальных мераў і інш.
Разгледзеўшы аргументы беларускага боку, а таксама прадстаўнікоў Рады ЕС і Латвіі і Бельгіі, якія падтрымлівалі Раду ў судзе, суд прыняў рашэнне адхіліць пазоў «Беларуськалія». «Беларуськалій» таксама павінен будзе аплаціць судовыя выдаткі, панесеныя Радай ЕС. Латвія і Бельгія самі будуць несці свае выдаткі.
Таксама 18 верасня апублікавалі рашэнні суда па пазовах «Беларускай калійнай кампаніі» і гендырэктара «Беларуськалія» Івана Галаватага. Яны таксама дамагаліся адмены рашэнняў аб прымяненні санкцый. У гэтых пазовах Раду ЕС падтрымлівала Латвія.
Гэтыя пазовы суд таксама адхіліў. Пазоўнікі павінны будуць пакрыць судовыя выдаткі Рады ЕС.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі6
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары