Пад Масквой расстралялі высокапастаўленага афіцэра ГРУ — ён толькі вярнуўся з вайны ва Украіне
44-гадовы Мікіта Клянкоў быў намеснікам камандзіра цэнтра падрыхтоўкі спецназа.
У вёсцы Меленкі Маскоўскай вобласці невядомы расстраляў 44-гадовага Мікіту Клянкова — намесніка камандзіра цэнтра падрыхтоўкі Сіл спецаперацый УС РФ і ўдзельніка вайны супраць Украіны.
Забіты палкоўнік, паводле звестак расійскіх СМІ, тыдзень таму вярнуўся з вайны. Клянкова расстралялі ў ягоным аўтамабілі. Сілавікі лічаць, што стралок мог прыйсці ў вёску пешшу праз лес. Версію пра тое, што за машынай Клянкова гнаўся іншы аўтамабіль, следчыя адкінулі, піша Mash.
Клянкоў служыў намеснікам камандзіра ў в/ч 43292 — гэта цэнтр падрыхтоўкі Сіл спецаперацый. Ён быў высокапастаўленым афіцэрам Галоўнага разведвальнага ўпраўлення, даведаліся «Важные истории».
Акрамя таго, згодна з геалакацыйнымі данымі ўцечак, Клянкоў заказваў дастаўку ежы ў штаб-кватэру ГРУ, а таксама наведваў паліклініку каля будынка ГРУ.
Ён валодаў аўтамабілем Hyundai Palisade — у аўтамабілі такой жа самай мадэлі яго расстралялі, вынікае з відэа, апублікаванага СК. Таксама ён з'яўляецца ўладальнікам Mercedes Benz E300, пазадарожніка Hummer H3 і Ford.
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары