У Вільні зноў з'явіўся антыбеларускі надпіс на дзвярах беларускай установы ФОТА
Гэтым разам непрыязны ў дачыненні да беларусаў нанеслі на зачыненыя дзверы беларускай установы «Карчма 1863». Адпаведнае фота размясціў у фэйсбуку беларус Андрэй Барашка.
На ралетах, якія закрываюць дзверы ўстановы, нехта напісаў словы Lietuva lietuviams («Літва для літоўцаў»).
Гэта не першы інцыдэнт такога тыпу. У папярэдніх выпадках многае паказвала, што замоўцамі выступалі замежныя спецслужбы, аднак выканаўцаў яшчэ ні разу не выявілі.
Самы свежы выпадак падобнага кшталту — падпал дзвярэй Беларускага дома ноччу 26 кастрычніка. Раней акты вандалізму ўчыняліся супраць таго самага Беларускага дома, крамы «Кропка», якую трымае былы палітвязень з Беларусі, і капліцы беларускай праваслаўнай парафіі Канстанцінопальскага патрыярхата, каля офіса «Дапамогі» і на сцяне каля ЕГУ. Таксама нядаўна была апаганеная магіла каліноўца Аляксандра Царука на віленскіх могілках.
У Вільні вандалы дабраліся да магілы каліноўца Аляксандра Царука
У Вільні невядомыя падпалілі дзверы Беларускага дома ФОТЫ
МЗС Літвы: Асуджаем акты вандалізму ў адносінах да беларускай грамады, здзейсненыя па метадычцы КДБ
Офіс Ціханоўскай пракаментаваў акты вандалізму ў дачыненні да беларускай дыяспары ў Вільні
Правакатары пашкодзілі беларускую краму ў Вільні — але пасля гэтага яе справы рванулі ўгару
Каментары
Не бачу, каб напісана было "Літва".
Што "многае паказвала"? Напрыклад?
А па-мойму гэта справа рук літоўскіх шавіністаў, якія супраць нацыянальна-арыентаваных беларусаў. (Ябацькі іх не цікавяць.)
А тое, што выканаўцаў надпісаў і пагромаў беларускіх дома культуры, царквы, кафэ яшчэ ні разу не выявілі, на мой погляд сведчыць пра тое, што іх ніхто і не шукаў. Бо свае.
Грамадзян Беларусі хутка бы знайшлі. І дэпартавалі б, ці пакаралі.