Улады пашырылі «экстрэмісцкае фармаванне» праекта «Зеркало». Такой фармулёўкі раней не было
17 снежня ў пераліку «экстрэмісцкіх фармаванняў» на сайце Міністэрства ўнутраных спраў Беларусі ўжо другі раз быў згаданы медыяпраект «Зеркало». Прычым з пазнакай, якая сустракаецца ў гэтым спісе ўпершыню: «Дапаўненне ў экстрэмісцкае фармаванне «Зеркало / Zerkalo.io», піша Беларуская асацыяцыя журналістаў.
Паводле абвесткі на сайце, адпаведнае рашэнне «Аб прызнанні групы грамадзян экстрэмісцкім фармаваннем і забароне ягонай дзейнасці» было прынятае МУС 17 снежня і ў гэты ж дзень уступіла ў законную сілу.
Згодна з гэтым рашэннем, у пераліку на сайце ведамства згадваюцца асобы, якія нібыта здзяйснялі «экстрэмісцкую дзейнасць» на некалькіх пляцоўках у тыктоку.
Асобна згаданы лагатып — «у выглядзе фармалізаванай выявы белага голуба, які трымае галінку, на чырвоным фоне». Апісанне гэтага лагатыпа сустракаецца ў «экстрэмісцкім» пераліку МУС ужо другі раз.
Упершыню медыяпраект «Зеркало» быў згаданы ў пераліку «экстрэмісцкіх фармаванняў» 12 чэрвеня 2023 года. Рашэнне пра гэта Міністэрствам унутраных справаў было прынята на тры дні раней — 9 чэрвеня.
У ім не было згадак пра канкрэтных асобаў, але пералічваліся інтэрнэт-рэсурсы, афіляваныя з праектам: інтэрнэт-сайт, некалькі тэлеграм-каналаў, канал на відэасервісе YouTube, старонкі ў сацыяльных сетках «ВКонтакте», «Одноклассники», Facebook, Twitter, Instagram і нават аплікацыя для мабільных тэлефонаў.
Яшчэ да таго, як медыяпраект трапіў у пералік «экстрэмісцкіх фармаванняў», кантэнт сайта і сацыяльных сетак «Зеркала» быў прызнаны «экстрэмісцкай інфармацыйнай прадукцыяй». Адбылося гэта яшчэ ў жніўні 2021 года.
Экстрэмісцкім фарміраваннем упершыню прызналі тэатральную трупу
s13ru і «Письмо.бел» прызналі экстрэмісцкімі фармаваннямі
Мінінфармацыі патлумачыла, чаму ў Беларусі пакуль не будуць забараняць сацсеткі
Генпракуратура абяцае не караць аўтара роліка ў тыктоку, калі «экстрэмісцкі» рэсурс выкарыстае гэта відэа
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары