Што вядома пра стан беларускі, якая звалілася з чацвёртага паверха на Пхукеце
Няшчасны выпадак з беларускай турысткай адбыўся на востраве Пхукет у канцы лістапада. 23-гадовая Кацярына згубіла ключ ад нумара ў гатэлі і паспрабавала забрацца ўнутр па пажарнай лесвіцы. Спатыкнуўшыся, дзяўчына ўпала на асфальт з чацвёртага паверха.
Кацярыну даставілі ў бальніцу ў прытомнасці, але стан яе быў вельмі цяжкім. «Такая дурная памылка прывяла да вельмі сур'ёзных траўмаў, пераламана літаральна ўсё (акрамя галавы): рукі, ногі, хрыбетнік, рэбры, якія праткнулі лёгкія, разарваная печань…» — пісала аўтар допісу са зборам сродкаў на дапамогу беларусцы, арганізаваным у супольнасці «Пхукет, Рускі клуб» у Facebook.
Першапачаткова збор быў запушчаны ў дабрачыннай групе «Патая ад А да Я», якая ўжо некалькі гадоў дапамагае рускамоўным жыхарам і турыстам у Тайландзе. Да яго падключыліся і знаёмыя Кацярыны, і выпадковыя людзі: так, амаль $3000 пералічыў мужчына, які некалькі гадоў таму сам трапіў у падобную сітуацыю.
У выніку сіламі неабыякавых удалося сабраць, здавалася б, непад'ёмную суму: тайскі шпіталь выставіў агульны рахунак на 362 700 бат ($10 500), каля $15 000 патрабавалася на транспарціроўку дзяўчыны ў Беларусь (цэннік уключаў у сябе выкуп шасці месцаў у самалёце, рэанімабіль і аплату палёту суправаджаючым дактарам у абодва бакі).
Транспарціроўка нейкі час была пад пагрозай зрыву: Кацярыну адмаўляліся браць на борт з кіслароднымі балонамі. Тайскія медыкі то давалі, то зноў адклікалі дазвол. Але за некалькі дзён да меркаванай адпраўкі беларуска цудам задыхала сама і пералёт прайшоў паспяхова. 10 снежня пацярпелая пры садзейнічанні беларускіх, тайскіх і в'етнамскіх дыпламатаў была дастаўлена ў Беларусь.
Onlíner звязаўся з роднымі Кацярыны, каб даведацца пра яе бягучы стан. Вось што распавяла Галіна, мама дзяўчыны:
— Справы ў Каці ідуць добра, цяпер яна ў хірургічным аддзяленні ў Бараўлянах. Прайшлі абследаванні траўміраваных унутраных органаў, па плячы, пазваночніку. Яшчэ маюцца быць неабходныя аперацыі. Дакладна вядома, што з лёгкімі ўсё ў парадку — Каця ўжо ў самалёце без праблем ляцела з Пхукета да Масквы. З ёй была вельмі добрая каманда маскоўскіх медыкаў, яны ж пасля прызямлення суправаджалі і да Беларусі.
Я ўсім вельмі ўдзячная за аказаную дапамогу: агульнымі намаганнямі выратавалі не толькі маю дачку, але і, можа, на яе прыкладзе іншых таксама.
Цяпер чытаюць
Марына Адамовіч апублікавала новыя ФОТЫ Міколы Статкевіча2
Каментары