Раней Канстытуцыйны суд краіны ануляваў вынікі выбараў, на якіх перамог прарасійскі кандыдат, пасля таго, як была рассакрэчана інфармацыя пра замежнае ўмяшанне.
Пра гэта паведамляе «Радыё Свабода».
Тысячы людзей выйшлі 12 студзеня ў сталіцы Румыніі, Бухарэсце, на пратэст супраць скасавання вынікаў першага туру прэзідэнцкіх выбараў у снежні.
У першым туры выбараў найбольш галасоў набраў прарасійскі кандыдат Кэлін Джарджэску. Аднак Канстытуцыйны суд краіны скасаваў вынікі за два дні да меркаванага другога туру выбараў у сувязі з абвінавачаннямі ва ўмяшанні Расіі ў выбарчы працэс. Сёлета маюць адбыцца новыя выбары.
Удзельнікі пратэсту трымалі румынскія сцягі і праваслаўныя іконы і патрабавалі, каб суд адмяніў сваё рашэнне. Яны таксама заклікалі да адстаўкі цяперашняга прэзідэнта Клауса Яханіса, чый тэрмін скончыўся 21 снежня 2024 года, але які застаецца на пасадзе да новых выбараў.
Дэманстрацыя была мірнай, хоць і заблакавала рух транспарту. Паліцыя паведаміла, што затрымала трох чалавек, якія мелі «нажы і іншыя забароненыя прадметы».
У гарах Кыргызстана з дрона адшукалі целы зніклых беларускіх альпіністаў8
Каментары