Скумбрыя з іголкамі, сала з цвікамі: у Мінску нехта раскідвае небяспечныя прынады для сабак
Менчукі знаходзяць атрутныя прынады ў ваколіцах Цнянскага вадасховішча. Паведамляецца, што ўжо пацярпелі некалькі хатніх сабак.
Мінчанка знайшла такую прынаду з небяспечным змесцівам, калі гуляла з сабакам каля Цнянскага вадасховішча. Пазней яна зноў натрапіла на дзіўныя скруткі.
У лесе каля Цнянкі жанчына знайшла кавалкі скумбрыі, напоўненыя іголкамі, піша fishingby.com.
Актуальнасць праблемы пацвердзілі і іншыя сабакаводы. У месцах прагулак нехта пачаў масава раскідваць рыбу і сала з цвікамі. Пры гэтым невядомыя наўмысна абмотваюць прынады вялікай колькасцю нітак, каб не даць жывёлам нармальна іх перажоўваць, не праглытваючы вострага металу.
Рыбалоў Максім з Мінска сутыкнуўся з адным з зламыснікаў асабіста. Паводле яго слоў, гэта адбылося каля кальцавой, дзе ён выпадкова сустрэў пажылога мужчыну, які раскідваў па наваколлі напханы дробнымі цвікамі сыр.
Цяпер у той жа мясцовасці нехта размяшчае сала з цвікамі. З-за прынад жывадзёраў ужо пацярпела некалькі сабак. Пры гэтым большасць былі цалкам хатнімі і выпадкова натрапілі на небяспечную «смакату» падчас прагулкі разам з гаспадарамі.
Такія дзеянні могуць падпадаць пад артыкул 339-1 КК аб жорсткім абыходжанні з жывёламі. Санкцыя прадугледжвае ад штрафу да папраўчых работ, а рэцыдывістам пагражае да трох гадоў турмы.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос20
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары