«Пажадана, каб праца была ў Мінску».
Апошнім часам Іван Вабішчэвіч, вядомы пад псеўданімам Дзядзя Ваня, у асноўным выступаў у Расіі. Летась Івана Вабішэвіча затрымалі ў Беларусі. Яму прад'явілі абвінавачанне па ч.1 арт. 342 КК (арганізацыя дзеянняў, якія груба парушаюць грамадскі парадак, або актыўны ўдзел у іх). Пазней прэс-служба Мінгарсуда ўдакладніла, што судзяць артыста за ўдзел у нядзельным маршы ў Мінску 23 жніўня 2020 года.
У снежні Вабішэвічу далі два з паловай года хатняй хіміі. Яго таксама ўключылі ў «спіс экстрэмістаў».
Сёння артыст пачаў шукаць працу — праз інстаграм.
— Лэдзі і джэнтльмены, нарэшце наступіў той дзіўны момант, калі я магу сказаць, што шукаю працу. Так што калі каму-небудзь патрэбны такі працаўнік, як я, які ўмее… Я сам, мусіць, яшчэ не ведаю, што ўмею. Але ў прынцыпе пажадана, каб праца была ў Мінску. Каб быў васьмігадзінны працоўны дзень (можна крыху менш). Можна на паўстаўкі. Пажадана, каб субота і нядзеля былі выходнымі. Пішыце свае прапановы. Можа быць, недзе спатрэблюся, — расказаў Вабішчэвіч у сацсетках.
У Беларусі даўно існуе «чорны спіс» артыстаў, якім забаронена выступаць у краіне (хоць афіцыйна ўлады гэта адмаўляюць). Пасля выбараў 2020 года ён значна пашырыўся.
Адзін з музыкаў, які цяпер жыве ў Беларусі расказваў раней «Нашай Ніве», што, па яго меркаванні, у «чорным спісе» знаходзіцца ўжо каля тысячы артыстаў.
«Траплялі ў чорны спіс не толькі праз правапарушэнні, — казаў іншы музыка. — Бывала, уключалі праз частыя выезды за мяжу або калі правяральнікам не спадабаліся сацсеткі. Ці проста па прынцыпе рандому».
Зразумела, што артысту, якога ўключылі ў «спіс экстрэмістаў», улады Беларусі не дазволяць выступаць ці весці нейкія мерапрыемствы.
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў31
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары
Поспехаў з пошукамі працы, дзядзька, і няхай табе ня прыдзецца зьнесьці нат такое, параўнана лагоднае ў нашыя часы, пакараньне