Śpiavak Dziadzia Vania šukaje pracu. Jon adbyvaje chatniuju chimiju
«Pažadana, kab praca była ŭ Minsku».
Apošnim časam Ivan Vabiščevič, viadomy pad psieŭdanimam Dziadzia Vania, u asnoŭnym vystupaŭ u Rasii. Letaś Ivana Vabiševiča zatrymali ŭ Biełarusi. Jamu pradjavili abvinavačańnie pa č.1 art. 342 KK (arhanizacyja dziejańniaŭ, jakija hruba parušajuć hramadski paradak, abo aktyŭny ŭdzieł u ich). Paźniej pres-słužba Minharsuda ŭdakładniła, što sudziać artysta za ŭdzieł u niadzielnym maršy ŭ Minsku 23 žniŭnia 2020 hoda.
U śniežni Vabiševiču dali dva z pałovaj hoda chatniaj chimii. Jaho taksama ŭklučyli ŭ «śpis ekstremistaŭ».
Siońnia artyst pačaŭ šukać pracu — praź instahram.
— Łedzi i džentlmieny, narešcie nastupiŭ toj dziŭny momant, kali ja mahu skazać, što šukaju pracu. Tak što kali kamu-niebudź patrebny taki pracaŭnik, jak ja, jaki ŭmieje… Ja sam, musić, jašče nie viedaju, što ŭmieju. Ale ŭ pryncypie pažadana, kab praca była ŭ Minsku. Kab byŭ vaśmihadzinny pracoŭny dzień (možna krychu mienš). Možna na paŭstaŭki. Pažadana, kab subota i niadziela byli vychodnymi. Pišycie svaje prapanovy. Moža być, niedzie spatreblusia, — raskazaŭ Vabiščevič u sacsietkach.
U Biełarusi daŭno isnuje «čorny śpis» artystaŭ, jakim zabaroniena vystupać u krainie (choć aficyjna ŭłady heta admaŭlajuć). Paśla vybaraŭ 2020 hoda jon značna pašyryŭsia.
Adzin z muzykaŭ, jaki ciapier žyvie ŭ Biełarusi raskazvaŭ raniej «Našaj Nivie», što, pa jaho mierkavańni, u «čornym śpisie» znachodzicca ŭžo kala tysiačy artystaŭ.
«Traplali ŭ čorny śpis nie tolki praz pravaparušeńni, — kazaŭ inšy muzyka. — Byvała, uklučali praz častyja vyjezdy za miažu abo kali praviaralnikam nie spadabalisia sacsietki. Ci prosta pa pryncypie randomu».
Zrazumieła, što artystu, jakoha ŭklučyli ŭ «śpis ekstremistaŭ», ułady Biełarusi nie dazvolać vystupać ci vieści niejkija mierapryjemstvy.
Čamu HUBAZiK pačaŭ dzikaje palavańnie na ivent-ahienctvy i viadučych śviataŭ
Maks Korž vypuściŭ pieršy klip paśla pahroz HUBAZiKa. Pravakacyjny i šmatsensoŭny
«Zajšoŭ nie ŭ tyja dźviery». Śpiavak Saša Niema raskazaŭ, čamu jaho prybrali z afiš
Łarysa Hrybalova paviedamiła, što jana doma. HUBAZiK źmianiŭ svoj dopis
Ciapier čytajuć
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi5
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary
Pośpiechaŭ z pošukami pracy, dziadźka, i niachaj tabie nia prydziecca źnieści nat takoje, paraŭnana łahodnaje ŭ našyja časy, pakarańnie