Бондарава прыраўняла Пятра Пятроўскага да «аўтара «Майн Кампфа»
Прарасійская даносчыца Вольга Бондарава працягвае практыку выяўлення ідэйных ворагаў у асяродззі прыхільнікаў рэжыму Лукашэнкі, якім не падабаюцца яе радыкальныя погляды, скіраваныя супраць беларускай мовы і іншых нацыянальных адметнасцяў. Гэтым разам пад абстрэл Бондаравай трапіў «член ЦК КПБ, дэпутат Мінгарсавета», а заадно і супрацоўнік Інстытута філасофіі НАНБ Пятро Пятроўскі.
Злосць у Бондаравай выклікала выступленне Пятроўскага 6 лютага ў эфіры прапагандыскай праграмы «Азаренок. Напрямую».
У ёй Пятроўскі назваў разумова адсталымі тых грамадзян, якія не здольныя «разумець вельмі блізкія паміж сабой мовы», і як прыклад прывёў змаганне Бондаравай і яе паплечнікаў супраць беларускамоўных бюлетэняў на нядаўніх «выбарах». Месца такіх людзей, маўляў, «на лаве падсудных».
Калі Бондарава выставіла фрагмент гэтага выступлення ў сваім тэлеграм-канале, у каментарах да відэа ўзнікла шырокая дыскуія з удзелам самога Пятроўскага. Ён заявіў, што ўсе, хто падымае ў Беларусі моўнае пытанне — «экстрэмісты», а таксама сказаў загадкавую фразу:
«Моўнае пытанне ў Беларусі закрытае. Хто не згодны, просім у Курапаты. Кропка».
Гэтае выказванне акурат і натхніла даносчыцу на новы пост:
«Па ўсёй бачнасці, «малады навуковец» Пятроўскі П. па-філасофску прапанаваў расстрэльваць і закопваць у агульных магілах грамадзян Беларусі. Цікавая аўтарская методыка пераканання. Чымсьці няўлоўна нагадвае методыку аўтара «Майн Кампфа» Адольфа Г.», — абураецца Бондарава, методыка пераканання якой, трэба сказаць, таксама ніколі не адзначаецца ні карэктнасцю, ні нават элементарнай павагай да апанентаў.
Пасля чаго традыцыйна патрабуе, каб «пракуратура дала прававую ацэнку яго выказванням, названым вышэй».
Пасля даносу Бондаравай настаўніца года з Ляхавічаў тэрмінова выехала з Беларусі
Доктарка, якой абураўся Марзалюк, патрабавала бюлетэнь па-руску. Але давялося пагадзіцца на беларускую мову
Бондараву завярнулі з перайменаваннем вуліцы Каліноўскага ў Мінску
Чаму Карпенка не можа пасадзіць Бондараву? Разважае Вольга Лойка
Лукашэнка знайшоў незвычайныя словы для спачування Хаменеі: «вераломная атака»27
Каментары