«Калі перамовы стануць «новай Ялтай», то менавіта Беларусь рызыкуе стаць маўклівай ахвярай вялікай амаральнай здзелкі»
Хто з краін ужо цяпер прайграюць на будучых мірных перамовах, піша аналітык Аляксандр Фрыдман. Найгоршая, на яго думку, пазіцыя ў Беларусі.
Фрыдман аналізуе імаверны склад удзельнікаў і фармат мірных перамоў.
«Праходзіць яны будуць на першым этапе ў Саудаўскай Аравіі, а ўдзельнічаць будуць ЗША, Расія і Украіна. Вашынгтон і Масква хацелі б вынесці за дужкі ЕС і Вялікабрытанію, але гэта ім наўрад ці ўдасца. На сёння можна казаць і пра тых першых, хто прайграў. Гэта Кітай, Турцыя, Швейцарыя і Беларусь», — мяркуе Фрыдман.
На яго думку, Кітай, у адрозненне ад свайго канкурэнта — Індыі, хацеў удзельнічаць у перамовах, але амерыканцы яго на іх не дапускаюць. Эрдаган мноства разоў заяўляў пра гатоўнасць правесці перамовы на сваёй тэрыторыі, але ў яго паслугах пакуль не маюць патрэбы і на перамовы не клічуць. Нейтральная Швейцарыя таксама прапаноўвала сябе ў якасці традыцыйнай пляцоўкі для перамоваў. І пакуль засталася ні з чым.
«Для КНР удзел у перамовах — пытанне статусу супердзяржавы; для Турцыі і Швейцарыі — пытанне прэстыжу. Для Беларусі ж на кану стаіць будучыня дзяржавы і вызначацца яна будзе, хутчэй за ўсё, без удзелу прадстаўнікоў Беларусі. Калі перамовы стануць, як прадракаюць асобныя назіральнікі, «новай Ялтай», якая прывядзе да падзелу сфер уплыву ў Еўропе, то менавіта Беларусь рызыкуе стаць маўклівай ахвярай вялікай амаральнай здзелкі», — лічыць Фрыдман.
Пяць высноў з Мюнхенскай канферэнцыі па бяспецы, якая ўвойдзе ў гісторыю
Фрыдман пра імаверную здзелку ЗША і Беларусі: Гэта стала б палітычным самагубствам для Лукашэнкі
Мюнхенская прамова Вэнса пра новую палітыку ЗША і чаканні ад Еўропы — поўны тэкст
Шольц раскрытыкаваў словы Вэнса аб еўрапейскай дэмакратыі
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары