Паводле звестак газеты FAZ і агенцтва dpa, у офісе дэпутата бундэстагу ад ХДС з Цюрынгіі працаваў расіянін, які з'ехаў у Нямеччыну пасля пачатку вайны, расказвае DW.
Газета прыводзіць асабістыя дадзеныя гэтага расіяніна — Канстанцін К. 1984 года нараджэння. Да бундэстагу ён працаваў у маскоўскім офісе Фонду імя Конрада Адэнаўэра.
Па інфармацыі журналістаў, Канстанцін К. мае сувязі з ФСБ і з расійскай апазіцыяй. Ён, паводле FAZ, змог арганізаваць у бундэстагу выступы апанентаў Пуціна, у тым ліку Міхаіла Хадаркоўскага. Да канца 2024 года ў Канстанціна К. было пасведчанне, якое забяспечвала яму неабмежаваны доступ у нямецкі парламент.
Выданне «Сирена» піша, што агентам ФСБ у бундэстагу быў Канстанцін Храпаў, які таксама з'яўляецца супрацоўнікам арганізацыі CASE, заснаванай структурамі Хадаркоўскага.
Са слоў дэпутата з Цюрынгіі Крысціяна Хіртэ, ён пазнаёміўся з расіянінам яшчэ ў Расіі — праз блізкі да ХДС Фонд імя Конрада Адэнаўэра.
У 2023 годзе Хіртэ прыняў яго на працу на мінімальную стаўку, даручыўшы ўсталёўваць кантакты з расійскай апазіцыяй і расіянамі ў выгнанні. Пры гэтым ён перадаў яго дасье для праверкі нямецкім органам бяспекі.
Прыкладна праз год Хіртэ паведамілі, што ў расіяніна могуць быць сувязі з ФСБ. Пазней яму ўдакладнілі, што некаторыя падазрэнні пацвярджаюцца, пры гэтым папрасіўшы не казаць нікому гэтую інфармацыю. Яшчэ праз некаторы час дэпутата папрасілі «без лішняга шуму» звольніць расіяніна, што ён і зрабіў.
У Федэральнай разведвальнай службе Германіі адмовіліся ад каментарыяў па гэтым пытанні, піша dpa.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос27
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары
з сувязямі ( 💀🐧🥘)
у фсб (🙈)
капец