Гомельская журналістка, якая працавала ў Беларусі да апошняга, з’ехала з Беларусі праз размову ў КДБ
Пры дапамозе BYSOL гомельская журналістка Ксенія Чындарава пакінула Беларусь, піша Андрэй Стрыжак.
Ксенія да апошняга жыла ў Гомелі і працавала ў выданні «Штодзень».
Праблемы пачаліся з восені 2024 года. Спачатку давялося наведаць аддзел па кібербяспецы ў міліцыі. Потым яе затрымалі ў студзені гэтага года на польскай мяжы. Выклікалі на агляд, праверылі тэлефон і знайшлі нейкія лайкі. Праз некалькі дзён у ізалятары быў суд. Прысудзілі штраф, які аплаціла.
«Спачатку склалася ўражанне, што затрымалі выпадкова. Але я адразу вырашыла, што з адміністратыўным артыкулам заставацца ў Беларусі небяспечна. Вырашыла з’ехаць, але планава, каб закрыць усе справы. Праўда, прыйшлося рабіць усё інакш, бо праз некалькі тыдняў на размову «запрасіла» КДБ. Пагражалі зняволеннем, расправай над роднымі — тут усё стандартна. Выйшла адтуль у стане глыбокага шоку. Зразумела, што трэба з’язджаць неадкладна», — распавядае Ксенія.
Дзяўчына пры ад’ездзе брала з сабой мінімум рэчаў, пакінула дома ўсю тэхніку.
На дапамогу ёй адкрыты збор.
Цяпер чытаюць
Эйсмант: Лукашэнка не зможа паляцець на Саміт міру ў ЗША, бо паветраная прастора Еўропы для яго закрытая50
Каментары