Перамовы пра «падзел тэрыторый» і спыненне баявых дзеянняў ва Украіне вядуцца «проста цяпер», заявіў прэзідэнт ЗША Дональд Трамп у гутарцы з журналістамі ў Белым доме.
«Я думаю, што ўжо зусім хутка мы зможам дамагчыся поўнага спынення агню, а затым і заключыць пагадненне. Гэтыя пытанні абмяркоўваюцца проста цяпер — гаворка ідзе пра падзел зямлі і пра іншыя аспекты», — адзначыў Трамп.
Цяпер, з ягоных слоў, на асобных участках фронту ўжо дасягнутае перамір'е, якое «добра выконваецца».
Таксама амерыканскі прэзідэнт падкрэсліў, што асновы для будучага мірнага пагаднення былі закладзеныя ў ходзе яго кантактаў з прэзідэнтамі Украіны і Расіі — Уладзімірам Зяленскім і Уладзімірам Пуціным.
«Я вельмі добра пагутарыў з абодвума і лічу, што ў нас ужо сфармаваныя рамкі будучага пагаднення», — заявіў Трамп.
Пры гэтым ён дадаў, што яго імкненне завяршыць канфлікт прадыктавана дзвюма ключавымі прычынамі: па-першае, з-за гібелі «тысяч маладых людзей», а па-другое, з-за каласальных выдаткаў ЗША, якія, па яго словах, ужо дасягнулі 350 мільярдаў даляраў.
На пытанне, ці плануюць ЗША ўвесці больш санкцый супраць Расіі праз пастаянныя атакі на ўкраінскую інфраструктуру, Трамп адказаў, што разлічвае на пагадненне аб спыненні агню.
Таксама Трамп зноў паўтарыў ранейшы тэзіс пра ўкраінскіх салдат нібыта «ў акружэнні» на Куршчыне, хоць, паводле ацэнак амерыканскай і еўрапейскай разведак, украінскія войскі сутыкнуліся з інтэнсіўным ціскам з боку расійскіх сіл, але ўсё ж у поўным акружэнні не знаходзяцца.
Акрамя таго, прэзідэнт ЗША які ўжо раз вярнуўся да пытання далучэння да ЗША Канады, падкрэсліўшы, што не жартуе:
«Калі я кажу, што Канада павінна быць нашым штатам, я сапраўды гэта маю на ўвазе».
Зяленскі анансаваў сустрэчу ўкраінскіх і амерыканскіх дыпламатаў
Трамп націснуў чырвоную кнопку ў сябе на стале. І патлумачыў, навошта гэта зрабіў
Зяленскі: З Трампам абмяркоўвалі перадачу ЗША Запарожскай АЭС
Зяленскі папрасіў у Трампа больш Patriot, і той абяцаў пашукаць
Сталі вядомыя новыя дэталі перамоў Трампа і Зяленскага
Цяпер чытаюць
Вазіў натаўцаў у Афганістан і скідваў гуманітарку ў Судане, а потым трапіў у турму па даносе сябра з Украіны1
Каментары