На пасяджэнні кантактнай групы па пытаннях абароны Украіны (фармат «Рамштайн», Ukraine Defense Contact Group, UDCG), якое адбылося 11 красавіка ў Брусэлі, удзельнікі дамовіліся аб беспрэцэдэнтным аб'ёме падтрымкі для Кіева. У сукупнасці саюзнікі выдзеляць звыш 21 мільярда еўра на ўзмацненне ўкраінскай абароны, паведамляе Бі-бі-сі.
Больш за палову гэтай сумы — каля 11 мільярдаў еўра — прыпадае на Германію. Вялікабрытанія мае намер выдзеліць каля 5,2 мільярда еўра. Па словах міністра абароны Германіі Барыса Пісторыуса, у найбліжэйшы час Кіеў атрымае ад Берліна:
- 100 тысяч артылерыйскіх снарадаў;
- 25 баявых машын пяхоты;
- 15 асноўных баявых танкаў;
- 100 наземных радарных станцый назірання;
- 120 пераносных зенітна-ракетных комплексаў.
Таксама Германія перадасць Украіне чатыры сістэмы СПА IRIS-T з камплектам з 300 ракет. Акрамя таго, сумесны брытанска-нарвежскі пакет на суму 523 мільёны еўра прафінансуе пастаўкі радараў, супрацьтанкавых мін, рамонт вайсковай тэхнікі, а таксама закупку сотняў тысяч беспілотнікаў.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары