Нерухомасць44

Будаўніцтва каштавала 60 мільёнаў еўра. Што ўнутры новага міжнароднага выставачнага цэнтра ў Мінску ФОТЫ

У пачатку мая ў сталіцы афіцыйна адкрылі Мінскі міжнародны выставачны цэнтр. Узвёў яго для горада забудоўшчык жыллёвага комплекса «Паўночны бераг» — інвестар з ААЭ. Realt пабываў унутры новай выставачнай пляцоўкі.

Фота туті далей: Realt.by

Знаходзіцца ММВЦ побач з кальцавой, мікрараёнам Навінкі і новабудоўлямі «Паўночнага берага». Пабудавалі комплекс усяго за 31 месяц, здаўшы збудаванне раней на год. У самыя пікавыя месяцы на аб'екце адначасова працавала каля 500 спецыялістаў.

На будаўніцтва комплексу забудоўшчык выдаткаваў больш за 60 мільёнаў еўра. Усе канструкцыі тут — беларускія.

Зайшоўшы ўнутр выставачнага цэнтра, наведвальнікі трапляюць у велізарны паветраны атрыум (вышыня ў ім — больш за 20 метраў). Тут знаходзіцца рэсэпшн, касы і разумныя турнікеты, якія пры неабходнасці нават вымяраюць тэмпературу наведвальнікаў.

Дах абсталяваны падагрэвам, каб у зімовыя месяцы на ім не збіраўся снег.

Будынак плошчай 37 тысяч квадратных метраў перадаюць кампаніі «Белэкспа», якая стане аператарам цэнтра.

Да 2017 года міжнародныя выставы ў Мінску часцей за ўсё праходзілі ў будынку 1960-х гадоў на вуліцы Янкі Купалы. Потым гэты выставачны цэнтр знеслі (на яго месцы ўжо стаіць гатэль), а сталіца на некаторы час засталася без галоўнага выставачнага павільёна.

У новым комплексе запраектавана 5 выставачных залаў, 5 кангрэс-залаў і 4 канферэнц-залы. Адначасова выставачны цэнтр, які ўзвёў дэвелапер «Рыверсайд Дэвелапмент Лімітэд», можа прыняць 15 тысяч чалавек.

У адной з канферэнц-залу чэрвені гэтага года пройдзе Еўразійскі эканамічны форум.

Побач з ёй знаходзіцца пакой для vip-персон з асобным ліфтам, які вядзе ў рэстаран наверсе.

Цяпер у Мінскім міжнародным выставачным цэнтры стаіць экспазіцыя прысвечана 80-годдзю Перамогі.

На другім паверсе дзясяткі перагаворных. Гэтыя памяшканні можна будзе арандаваць падчас правядзення мерапрыемстваў.

Тут жа на другім узроўні знаходзіцца рэстаран «Лідо», разлічаны на 260 месцаў. Плануецца, што хутка ён запрацуе на пастаяннай аснове.

Каментары4

  • Ёсік
    18.05.2025
    Увесь час там будзе толькі аб вайне, няма больш чым выхваляцца, ды і няма каму прыязджаць. Незразумела, на халеру такія плошчы, мо толькі калій з Салігорску захоўваць пад дахам. У лідо будуць жыхары паўночнага берагу прыходзіць? Кім толькі Беларусь не была ў вільготных марах дырэктара саўгаса - і дрэваапрацоўваючай краінай, і сельскагаспадарчай, і хакейнай, і ваеннай, і кім толькі яшчэ, а ўсё ў с.ацы.
  • Ещё одна
    18.05.2025
    [Рэд. выдалена]
  • .
    18.05.2025
    Будуюць гіганцкія пустыя прасторы. "Першы нацыянальны ТЦ" - тое ж самае.
    Нават Нацыянальная Бібліятэка, з якой параўноўваюць, некалькі ўтульней.

    На ўсіх фота толькі 3 міліцыянеры ў чорным, 2 ахоўніка ў блакітным і 1 аператар відэаназірання. Людзей няма.

    І невядома для чаго знішчылі рэльеф. Тут быў схіл, яго можна было выкарыстаць і абыграць, тым больш, у плоскай Беларусі. Не, перасунулі кілатоны зямлі, каб стала ідэальна роўненька.

    Ай:( Дурная ўлада дурная ва ўсім.

Цяпер чытаюць

Цэны на шакалад здзіўляюць

Цэны на шакалад здзіўляюць

Усе навіны →
Усе навіны

Адна з дзяржаў рыхтуецца да першай у свеце планаванай міграцыі ўсёй нацыі3

На Міншчыне заўважылі два магчымыя тарнада

«Я страціла сэнс жыцця». Спявачцы Рыце Дакота забаранілі выступаць у Расіі30

У Будславе археолагі адкапалі старажытны падмурак касцёла

Былы беларускі ваяр суткі катаваў свайго сябра, а пасля забіў сябе40

Сёлета кляшчы кусаюць беларусаў амаль на 11% часцей, чым летась

Столькі праблем, а тут Стрыжак з яго падлеткавымі гульнямі40

Катар прыгразіў Еўропе скарачэннем паставак газу3

Колькасць пацверджаных расійскіх ваенных страт перавысіла 120 тысяч чалавек12

больш чытаных навін
больш лайканых навін

Цэны на шакалад здзіўляюць

Цэны на шакалад здзіўляюць

Галоўнае
Усе навіны →

Заўвага:

 

 

 

 

Закрыць Паведаміць