Кітай, імаверна, пабудаваў самую вялікую ў свеце падлодку-беспілотнік
Кітай працягвае ўражваць сваёй хуткасцю мадэрнізацыі вайскова-марскога флоту. Чарговая нечаканасць — новая беспілотная падводная стэлс-лодка з незвычайнай канструкцыяй, якую ўдалося зафіксаваць выпадкова падчас спадарожнікавага назірання за кітайскімі суднаверфямі.
Новую сакрэтную кітайскую падводную лодку заўважылі на адной з суднаверфяў каля горада Гуанчжоў, якую раней не лічылі пляцоўкай для будаўніцтва субмарын, піша выданне Naval News.
Захад, як адзначае выданне, звычайна даведваецца пра новыя падводныя лодкі сваіх супернікаў яшчэ на стадыі іх праектавання, але Кітай у гэтым плане зусім іншы гулец. Ён рэгулярна стварае караблі, якія аналітыкі заўважаюць толькі дзякуючы спадарожнікавым здымкам. Новая субмарына — не выключэнне.
«Паводле папярэдніх ацэнак, даўжыня корпуса лодкі складае прыкладна 45 метраў, а дыяметр — 5 метраў. Характэрная асаблівасць канструкцыі — крыжападобнае размяшчэнне рулёў на карме і адсутнасць рубкі над корпусам падлодкі. Верагодна, гэта зроблена для павышэння гідрадынамічных паказчыкаў, манеўранасці і незаўважнасці. Адсутнасць рубкі таксама намякае на тое, што новая лодка, хутчэй за ўсё, абыходзіцца без экіпажа.
Пры гэтым ёсць прыкметы наяўнасці тарпедных комплексаў і санара, што пераводзіць судна ў клас баявых караблёў», — мяркуюць заходнія аналітыкі.
У такім выпадку падлодка здольная паражаць надводныя і падводныя судны. Іншае тлумачэнне прызначэння лодкі — спецаперацыі або іншыя дыверсійныя дзеянні на марскім дне.
Калі ўсе гэтыя папярэднія ацэнкі атрымаюць пацвярджэнне, то перад намі — самая вялікая ў свеце беспілотная субмарына, у 6-8 раз большая за аналагічную амерыканскую беспілотную падлодку Orca ад кампаніі Boeing, піша Naval News.
Акрамя таго, новая кітайская падлодка, як сведчаць даныя аналітыкаў, з'яўляецца меншай копіяй яшчэ адной кітайскай беспілотнай субмарыны без рубкі (50 метраў у даўжыню), якую таемна спусцілі на ваду ў 2019 годзе. Тая мадэль не мела ніякіх узбраенняў і, як лічыцца, была толькі эксперыментальным узорам на шляху стварэння новых кітайскіх падводных сістэм.
У Кітаі будуецца самы вялікі камандны штаб у свеце для патэнцыйнай ядзернай вайны
Нешта не сыходзіцца: Кітай можа хлусіць свету пра свой рэальны вайсковы бюджэт
ЗША ці Кітай — хто выйдзе пераможцам у вайне тэхналогій? Беларускі эканаміст не сумняецца ў адказе
Запазычанасць Кітая рэзка перавысіла запазычанасць ЗША
Цяпер чытаюць
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску29
Каментары