Прэзідэнт Францыі даў інтэрв’ю вядучым еўрапейскім газетам, у якім жорстка раскрытыкаваў марудлівасць Еўропы.
Паводле слоў Макрона, Еўропа заўсёды цярпела паражэнне, «калі была марудлівай і раздробненай», піша Bild.
Найлепшы прыклад — фінансавы крызіс. Ён прыйшоў з ЗША, але Еўропа пацярпела «ў дзесяць разоў больш», бо распылялася замест таго, каб дзейнічаць разам. Зусім інакш было падчас пандэміі COVID: «Мы дзейнічалі вельмі хутка і адзіным фронтам», — з гонарам адзначае Макрон.
Аднак цяпер, паводле слоў прэзідэнта, надыходзіць чарговае выпрабаванне на трываласць. Трамп, мытныя пошліны, Грэнландыя — і Еўропа, якая занадта часта супакойваецца ілюзіяй бяспекі: «Не верце ні на секунду, што ўсё скончана. Кожны дзень, кожны тыдзень прыносяць новыя пагрозы. Еўропа пакутуе ад траўмы: пасля кожнай эскалацыі надыходзіць баязлівая палёгка. Гэты ж крызіс уяўляе сабой глыбокі геапалітычны разлом», — папярэджвае ён.
Макрон запатрабаваў ад Еўропы «выйсці са стану геапалітычнай няспеласці».
Паводле яго слоў, Еўропа павінна мысліць катэгорыямі ўлады, забяспечваць абарону і маштабна інвеставаць — у абарону, тэхналогіі, штучны інтэлект, квантавыя камп’ютары: «Гэта бітвы, якія неабходна выйграць. Калі мы нічога не зробім, то праз пяць гадоў Еўропы не будзе».
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары
Францыя па дапамозе Украіне на 14 месце Блакавала " канфіскацыю"
Грэх ці два Народны Фронт Лі Пэн у рэшце рэшт пераможа