Схема махлярства пачалася з тэлефоннага званка, дзе жанчыне паведамілі, што яе тэлефон будзе адключаны з-за заканчэння тэрміну дзеяння дамовы з «Белтэлекамам», паведаміў СК.
Каб гэтага пазбегнуць, ёй прапанавалі прадставіць свае пашпартныя даныя для працягу дамовы.
Пасля гэтага ёй патэлефанаваў «супрацоўнік Следчага камітэта», які паведаміў, што ў апошні час назіраецца шмат выпадкаў махлярства ў дачыненні да пенсіянераў, і пацікавіўся, ці ёсць у яе зберажэнні. Затым ён сказаў, што дапаможа захаваць яе накапленні і параіў чакаць званка ад «прадстаўніка Нацыянальнага банка».
Гэты «спецыяліст» прапанаваў «задэклараваць» усе грошы, перадаўшы іх даверанаму чалавеку на прыпынку. Пенсіянерка сабрала больш за 330 тысяч рублёў і выканала ўказанне. Махляры падтрымлівалі з ёй сувязь да моманту перадачы грошай, пасля чаго патрабавалі маўчаць, спасылаючыся на «пошукавыя мерапрыемствы».
Жанчыне стала зразумела, што яна стала ахвярай махлярства, толькі на наступны дзень, калі яе накапленні не вярнуліся, а званкі спыніліся. Па факце махлярства заведзена крымінальная справа па частцы 4 артыкула 209 (махлярства ў асабліва буйным памеры) Крымінальнага кодэкса Рэспублікі Беларусь.
Цяпер чытаюць
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма7
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары
PS А каб пачала зь імі размову па-беларуску, нічога б не страціла. Колькі мне махляры тэлефанавалі, усе адваліліся.