Свет11

Памёр Кларк Улафсан — герой гісторыі, якая дала свету паняцце «стакгольмскі сіндром»

27 чэрвеня на 79-м годзе жыцця ў шведскім горадзе Арвіка памёр Кларк Улафсан — злачынец, імя якога звязваюць з узнікненнем вядомага псіхалагічнага і палітычнага паняцця «стакгольмскі сіндром», піша «Медуза».

Кларк Улафсан у 1960-я гады. Фота: Sjoberg Bildbyra / ullstein bild / Getty Images

Улафсан стаў вядомы 23 жніўня 1973 года, калі ягоны былы сукамернік Ян-Эрык Ульсан узяў закладнікаў падчас спробы рабавання банка Kreditbanken на плошчы Норрмальмсторг у Стакгольме. Ульсан запатрабаваў даставіць да яго ў банк Улафсана — і разам яны ўтрымлівалі чацвярых закладнікаў на працягу шасці дзён.

Падчас захопу злачынцы даволі гуманна абыходзіліся з людзьмі: супакойвалі, давалі званіць дамоў, выпускалі на паветра пры клаўстрафобіі. Адной з закладніц настолькі не давала спакою паліцэйская аперацыя, што яна патэлефанавала прэм’ер-міністру Улафу Пальме і сказала, што больш баіцца паліцыі, чым злачынцаў.

Калі захоп скончыўся, усе выжылі — без сур’ёзных траўмаў. Закладнікі нават абдымаліся з захопнікамі перад іх здачай паліцыі.

Каб растлумачыць такія паводзіны закладнікаў, псіхіятр Нільс Беерут выкарыстаў паняцце «ідэнтыфікацыя з агрэсарам» — вядомае з работ Ферэнцы і Анны Фрэйд. Менавіта Беерут першым назваў канкрэтны выпадак «норрмальмсторгскім сіндромам», які хутка стаў вядомы як стакгольмскі — з-за цяжкасці вымаўлення.

Беерут не лічыў сіндром дыягназам — гэта была метафара, якая хутка атрымала сусветную вядомасць праз шырокі медыйны розгалас. З часам тэрмін пачалі шырока выкарыстоўваць у палітыцы і журналістыцы.

Каментары1

  • Бастыён чаго?
    27.06.2025
    Такая навіна пра сусветна вядомы выпадак з расейскага СМІ. Гэта шмат тлумачыць пра стан беларушчыны.

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць