Машыну скралі ў 2015 годзе ў Італіі.
У аўстрыйскай зямлі Штырыя затрымалі скрадзены аўтамабіль, якім кіраваў наш суайчыннік, паведамляе «Беларусь і свет» са спасылкай на паліцыю.
Кампактны красовер Toyota RAV4 пад кіраваннем 42-гадовага беларуса спынілі для праверкі ў чацвер 17 ліпеня незадоўга да 10:00 на аўтабане A2.
У ходзе агляду машыны ахоўнікі парадку выявілі падазроныя прыкметы. Напрыклад, былі выяўлены сляды ўмяшання ў унікальны серыйны нумар.
Далейшае разбіральніцтва і пошук у агульнаеўрапейскай шэнгенскай інфармацыйнай сістэме паказалі, што Toyota значылася ў вышуку як выкрадзеная ў Італіі з чэрвеня 2025 года.
Падчас апытання кіроўца паведаміў, што перавозіў аўтамабіль з Італіі ў Польшчу па даручэнні іншага чалавека ў абмен на грошы.
Аўтамабіль канфіскавалі, а нашага суайчынніка затрымалі, змясціўшы па рашэнні пракуратуры Граца пад варту ў турму Грац-Якаміні. Вядзецца расследаванне.
Цяпер чытаюць
На вуліцы Матусевіча ў Мінску побач з дзіцячым садком упаў беспілотнік28
На вуліцы Матусевіча ў Мінску побач з дзіцячым садком упаў беспілотнік
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2222
Каментары