Беларуская чыгунка не змагла своечасова выканаць свае фінансавыя абавязкі па карпаратыўных аблігацыях, піша Myfin.by.
Як паведаміла Міністэрства фінансаў, яна не выплаціла працэнты за 80-ы і 81-ы перыяды, а таксама не пагасіла аблігацыі 11-га выпуску, якія мелі тэрмін абарачэння з кастрычніка 2018 па чэрвень 2025 года. Менавіта праз гэты выпуск чыгунка прыцягнула 70 мільёнаў долараў.
Гэты выпуск адбываўся пры ўдзеле Банка развіцця Беларусі, а дэпазітарным цэнтрам выступаў Беларусбанк.
У сувязі з парушэннем закона «Аб рынку каштоўных папер» Мінфін забараніў Беларускай чыгунцы выпускаць новыя аблігацыі.
Цяпер у абарачэнні яшчэ застаецца адзін выпуск аблігацый БЧ на суму 30 мільёнаў долараў, які павінен быць пагашаны да канца 2026 года, з працэнтнай стаўкай 6% у год.
Дарэчы, раней прадстаўнік Мінфіна адзначаў, што ў першай палове года дэфолтаў у Беларусі не было, хоць у 2024 годзе нявыкананыя абавязкі па аблігацыях склалі амаль 11 мільёнаў рублёў — гэта толькі 0,2% ад агульнай сумы. Ён таксама патлумачыў, што дэфолт — гэта не адмова плаціць, а затрымка выплат.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары
Лукашенко и минтранс навешали на жд - колхозы, автобусы, трамваи, троллейбусы, баржи, перевозку льготников за счёт жд, превозку нужных лукашенко грузов за счёт жд, чемпионаты по хоккею и другую лабуду...
Теперь премию платят через месяц, аванс в следующем месяце и всё равно не помогает.
Сокращают на путях и откосах, но кабинеты плодют дальше.
Сокращением и оптимизацией, засучив рукава, занимаются пристроенные красауцы на хлебные места и поля.