Стамбульскае бюро Deutsche Welle звярнулася ў турэцкую паліцыю па звесткі аб знікненні ў Турцыі Анатоля Котава.
21 жніўня Котаў, былы беларускі чыноўнік, які пасля 2020 года далучыўся да апазіцыі, прыляцеў у Стамбул і ў 12:26 па польскім часе напісаў жонцы, што прызямліўся. На пытанне, дзе ён спыніцца, Котаў адказаў праз дзве гадзіны — казаў, што напіша, калі будзе ведаць. Апошняе паведамленне ў гэты дзень ён адправіў у 21:28 па Варшаве, але адрас гатэля ён так і не напісаў, паведамляе Deutsche Welle.
Вядома, што ў той жа дзень Котаў адплыў з турэцкага Трабзона.
Гэтая перапіска прыкладзеная да заявы аб знікненні Анатоля Котава, якую 25 жніўня яго жонка Анастасія падала ў паліцыю Стамбула па электроннай пошце на турэцкай мове.
Пры гэтым у аддзеле па пошуку зніклых людзей паліцыі Стамбула на запыт DW адказалі, што звестак аб знікненні ў Турцыі Котава або якога-небудзь іншага грамадзяніна Беларусі пасля 21 жніўня ў іх сістэме няма.
28 жніўня журналіст DW адправіўся ў паліцэйскі ўчастак Стамбула, каб пераправерыць інфармацыю — там таксама не знайшлі імя Котава ў сістэме.
Паліцыянты падкрэслілі, што расследаванні такога роду звычайна не пачынаюцца на падставе мэйла — падаваць заяву аб знікненні чалавека трэба асабіста.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення15
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары
Паказаў у Трабзоне беларускі пашпарт - атрымаў штамп і адью. Сотні беларусаў праз Турцыю што дня транзітам ці абнуляць тэрмін прыбывання ў блізкіх краінах.
Грузінская паліцыя звычайна ідзе на кантакт з запытамі з ЕС. У іх там тэраз цэльная кампанія барацьбы з "рашн мафія", каб фінансаванне не перакрылі.