Мерц: У Пуціна няма падстаў для спынення вайны ці заключэння мірнай дамовы з Украінай
Паводле яго слоў, Пуцін будзе гатовы да перамоваў толькі тады, калі гэта будзе адпавядаць яго ўласным інтарэсам.
Фрыдрых Мерц заявіў, што зараз ва Уладзіміра Пуціна няма падстаў для спынення вайны ці заключэння мірнай дамовы з Украінай. Пра гэта канцлер Германіі заявіў у інтэрв'ю нямецкаму каналу Sat1, піша «Украінская праўда».
У размове з журналістамі Мерц заявіў, што не мае ніякіх падстаў давяраць расійскаму дыктатару. Паводле яго слоў, Пуцін будзе гатовы да перамоваў толькі тады, калі гэта будзе адпавядаць яго ўласным інтарэсам.
«Ён будзе гатовы да перамоваў толькі тады, калі гэта будзе выгадна яму самому. Цяпер, на яго (Пуціна) думку, працяг вайны яму выгадны. Ён заваёўвае тэрыторыі. Ён бачыць дыскусію, якую мы вядзём тут, у Еўропе, і якую вядзём у Амерыцы. Ён бачыць, як з ім абыходзіцца амерыканскі прэзідэнт. Ён бачыць, як з ім абыходзяцца іншыя кіраўнікі дзяржаў і ўрадаў свету, я назаву толькі ключавое слова — «Шанхайская канферэнцыя»», — сказаў канцлер.
Мерц падкрэсліў, што для змены пазіцыі Крамля неабходна стварыць умовы, якія прымусяць Расію шукаць выхад з вайны. На яго думку, зрабіць гэта можна перш за ўсё эканамічным шляхам — праз знясіленне расійскай ваеннай эканомікі.
«На дадзены момант у яго (Пуціна) няма ніякіх падстаў для спынення агню або заключэння мірнай дамовы. Мы павінны стварыць гэтыя падставы. З ваеннага пункту гледжання гэта будзе складана, але з эканамічнага — гэта магчыма. Трэба паклапаціцца пра тое, каб Расія не мела магчымасці падтрымліваць ваенную эканоміку», — зазначыў Фрыдрых Мерц.
Цяпер чытаюць
Жонка адгаворвала падпалкоўніка ДФР браць хабары, а той казаў: «Атрымаю палкоўніка — і на пенсію». Першая пенсія прыйшла ўжо на арыштанцкі рахунак12
Жонка адгаворвала падпалкоўніка ДФР браць хабары, а той казаў: «Атрымаю палкоўніка — і на пенсію». Першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1515
Каментары
Гэта і так зразумела, але ж пытанне ўзнікае іншае, а самому Мерцу выгадна спыненне вайны? Нешта апошні час ён занадта стаў на словах падтрымліваць вайну.