Маркаў задумаўся пра стварэнне дзіцячага тэлеканала, але ёсць пытанні
Міністр інфармацыі Марат Маркаў расказаў, што ў Беларусі сёння зарэгістраваныя і вяшчаюць 18 тэлеканалаў, якія арыентаваныя на дзіцячую аўдыторыю. 17 з іх — расійскія, а беларускага няма ніводнага. І гэта, маўляў, вельмі кепска.
«У сувязі з гэтым «за» з'яўленне такога канала — разуменне простага факту, што выхоўваць сваіх дзяцей, на сваіх каштоўнасцях і маралі мы абавязаныя самі, а тэлебачанне — гэта адзін з інструментаў такога выхавання», — заявіў Марат Маркаў.
Кажучы пра ўласны дзіцячы тэлеканал у Беларусі, Маркаў задаўся адразу некалькімі пытаннямі. Ці дастаткова ў краіне ўласнага так званага дзіцячага кантэнту з усімі архівамі «Беларусьфільма»? Хто менавіта будзе вырабляць падобны кантэнт на пастаяннай аснове, каб запоўніць 16‑18 гадзін эфіру? Акрамя таго: ці павінен тэлеканал быць дзяржаўным і які працэнт дзяцей яго будзе глядзець?
Міністр заявіў, што не трэба строіць ілюзій, што канал акажацца прывабным для рэкламадаўцаў. Ён дадаў, што гэта выключна сацыяльны і вельмі дарагі праект. Разам з тым Марат Маркаў падкрэсліў, што названыя пытанні пачалі прапрацоўваць.
Міністэрства інфармацыі падпісала пагадненне з БПЦ. Будуць разам змагацца са знешнімі ўплывамі на духоўнасць
Міністр інфармацыі Маркаў хоча пастрожыць рэгуляванне рэкламы
Міністр Маркаў заявіў, што да 2020 года яны цярпелі незалежныя медыя, а цяпер надзвычай патрэбна цэнзура
Маркаў заявіў, што аўдыторыя дзяржаўных СМІ ў інтэрнэце вырасла каласальна
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках24
Каментары
Про российские детские телеканалы с англоязычными названиями в наших кабельных сетях... Марков хотя бы раз щёлках на них? Они же рассчитаны на демобилизацию наших детей. В моём детстве ничего подобного не было. Все советские мультики были со смыслом и даже диснеевские не такими тупыми.