У выніку атакі расійскіх беспілотнікаў на горад Дняпро днём 30 верасня пацярпелі як мінімум 28 чалавек, паведаміў кіраўнік абласной вайсковай адміністрацыі Сяргей Лысак. Мужчына, які атрымаў пры гэтым цяжкія траўмы, памёр.
Сярод пацярпелых у выніку ўдару — 10‑гадовы хлопчык і 17‑гадовая дзяўчына. Шпіталізаваныя 12 чалавек, астатнія ж гараджане, якія апынуліся ў эпіцэнтры атакі, будуць аднаўляцца дома.
Прэзідэнт Украіны Уладзімір Зяленскі паведаміў у сацсетках, што ў Дняпры пасля ўдару расійскіх дронаў працуюць усе экстранныя службы.
«Проста нахабны ўдар — днём, па цывільнай інфраструктуры, — напісаў Зяленскі. — Кожным такім ударам расіяне зноў і зноў даказваюць, што на іх трэба аказваць моцны ціск. Даказваюць, што санкцыі свету супраць Расеі павінны стаць значна больш балючымі для агрэсара. І што мы ўсе разам у Еўропе павінны пабудаваць надзейную абарону ад расійскіх дронаў і ракет, каб ніводная краіна не засталася сам-насам з гэтай пагрозай».
У выніку ўдару па Сумшчыне загінула сям'я з двума малымі дзецьмі
Пасля 16‑дзённага перапынку аднавіліся палёты расійскіх беспілотнікаў праз тэрыторыю Беларусі
У Кіеве жанчына не вытрымала стрэсу падчас ракетнай атакі і памерла ў сховішчы
Масіраваная атака дронаў і крылатых ракет па Украіне: ёсць пацярпелыя
Каментары