Зашпільваць пінжак на ўсе гузікі ў свеце мужчынскай моды лічыцца грубай памылкай. Але адкуль узялося гэта правіла?
Адно з галоўных патрабаванняў да аднабортнага мужчынскага пінжака на двух гузіках гучыць катэгарычна: ніжні заўсёды павінен быць расшпілены. На думку многіх краўцоў і стылістаў, так пінжак выглядае лепш, піша The New York Times.
Як тлумачыць Алан Фласер — вядомы кравец, які апранае прадстаўнікоў дзелавой эліты, і аўтар кнігі «Апранаючы мужчыну» (Dressing the Man), — класічны крой мужчынскага пінжака разлічаны так, каб падкрэсліць фігуру: зрабіць талію візуальна вузейшай, ногі — даўжэйшымі, а сілуэт — больш стройным. Калі зашпілены толькі верхні гузік, тканіна рухаецца свабодна разам з целам, утвараючы акуратную натуральную лінію.
Калі ж зашпіліць і ніжні гузік, пінжак пачынае цягнуць у вобласці сцёгнаў, сілуэт «ламаецца» і выглядае менш элегантна. Замест лёгкасці з’яўляецца адчуванне скаванасці.
Існуе папулярная легенда, што гэтае правіла ўвёў брытанскі кароль Эдуард VII. Ён пачаў расшпільваць ніжні гузік свайго пінжака пасля таго, як набраў вагу і адчуваў дыскамфорт. Двор і грамадства хутка падхапілі новую звычку, і яна замацавалася як норма.
З часам гэта стала настолькі прынятым стандартам, што сучасныя пінжакі шыюць ужо з разлікам на тое, што ніжні гузік выкарыстоўвацца не будзе.
Па словах крытыка мужчынскага адзення Дэрэка Гая, сёння ніжні гузік і пятля для яго — фактычна рудыментарныя дэталі, падобна да пятлі на лацкане, якая калісьці дазваляла зашпіліць пінжак да самай шыі, ці да малюсенькай кішэні для манет на джынсах.
Тым не менш правіла не абсалютнае. Часам людзі свядома яго парушаюць — напрыклад, каб выглядаць больш «сабранымі» або схаваць нейкія асаблівасці фігуры. Але тут важны нюанс: адзенне — гэта не толькі пра камфорт, але і пра сігналы, якія вы пасылаеце іншым.
Для тых, хто разбіраецца ў класічным стылі, зашпілены ніжні гузік можа быць успрыняты як невуцтва. Больш за тое, ён можа стварыць уражанне, што чалавек занадта стараецца кантраляваць свой выгляд — і гэта працуе супраць натуральнасці і ўпэўненасці.
Ёсць, праўда, адно выключэнне. У двухбортных пінжаках ніжні гузік зашпільваць можна — гэта не парушае эстэтыкі.
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца99
Каментары
Гэтае правіла ці забабон вядомы з дзяцінства ...школы гадоў 50))))
Калі сядзець так зручна ...