Ціхая «элітка». У непрыкметным доме ў Мінску прадаюць велізарную кватэру з дахам у прыватнай уласнасці
«Асабістая аглядная пляцоўка над Мінскам», — ахрысцілі яе прадаўцы.
Акуратная свечка па адрасе Платонава, 23 была ўзведзена ў 2014 годзе. За 12 гадоў існавання беласнежны фасад паспеў пацьмянець. Але напаўненне высоткі не змянілася: прасторныя кватэры з вялікімі вокнамі і арыгінальнымі планіровачнымі рашэннямі. А да 2026 года вызваліўся мясцовы пентхаус — кватэра, размешчаная на апошнім паверсе і з велізарнай тэрасай на даху, піша Onliner.by.
«Асабістая аглядная пляцоўка над Мінскам», — ахрысцілі яе прадаўцы.
Плошча кватэры — амаль 215 квадратных метраў. Яшчэ больш за 250 метраў займаюць лоджыі і тая самая тэраса.
Кватэра — чыстае палатно, на якім ужо заўтра можна «маляваць» свой ідэальны інтэр'ер: беласнежныя сцены і столі, светлая падлога, гатовая (праўда, без агароджы) лесвіца ў свой асабісты «планетарый».
Санвузлы ўжо абліцаваныя нейтральнай пліткай пад мармур, таму ніякіх пыльных работ не прадбачыцца.
«Прастора геаметрычна падзеленая на дзве зоны — гасцявую і гаспадарчую. Гасцявая зона:прасторная гасцёўня плошчай 52,2 кв. м з панарамнымі вокнамі і выхадам на дах-тэрасу. Кухня-сталовая (38,8 кв. м) з чуланам, гасцявая спальня.
Гаспадарчая зона: спальня, дзіцячы пакой, рабочы кабінет, гардэробная, ванны пакой з душавой кабінай і ваннай, санвузел з пральняй, памяшканне пад бойлер.
Асаблівасці: выхад на дах непасрэдна з кватэры, дах плошчай 250кв.м у прыватнай уласнасці.
«Панарамны від на Мінск на 270°», — знаёміць з аб'ектам агенцтва, якое займаецца продажам пентхауса.
Пяціпакаёвую кватэру ацанілі ў нясціплыя 1 206 000 рублёў, або амаль $400 000 па курсе.
Цяпер чытаюць
Дэпутатка, якая рыхтуе прыгажунь для Лукашэнкі, выйшла замуж16
Каментары