У Польшчы — два нападзенні ў школах за тыдзень. У сацсетках разыходзіцца папярэджанне пра «крывавую пятніцу»
Падлеткі прыходзілі ў польскія школы і ўчынялі разню.
У Польшчы апошнімі днямі здарылася некалькі інцыдэнтаў у школах. У сераду ў школе ў Астраленцы 19‑гадовы малады чалавек напаў з нажом на дзевяць чалавек. На наступны дзень у населеным пункце Лешчыдол-Навіны 15‑гадовы былы вучань напаў з вострым прадметам на прыбіральшчыцу, дырэктара і настаўніцу. 37‑гадовая супрацоўніца школы памерла ад атрыманых раненняў, піша «Еўраньюс».
У чацвер у сацыяльных сетках сталі актыўна распаўсюджвацца паведамленні пра нібыта планаваныя напады на польскія школы. Вучні і іх бацькі абменьваліся скрыншотамі і відэазапісамі з папярэджаннем пра так званую «крывавую пятніцу», нібыта прызначаную на 9 кастрычніка.
На фоне нарастаючай трывогі паліцыя абвясціла пра дадатковыя прэвентыўныя меры. Галоўны камендант паліцыі генерал-інспектар Марэк Борань паведаміў, што супрацоўнікі будуць дзяжурыць паблізу навучальных устаноў ужо з раніцы пятніцы.
Борань таксама адзначыў, што пасля нападу ў Астраленцы значна ўзрасла колькасць паведамленняў пра патэнцыйныя пагрозы. Акрамя таго, ён заклікаў з асцярожнасцю ставіцца да распаўсюджвання інфармацыі пра нібыта напады, якія рыхтуюцца.
Адной з прычын нарастаючай трывогі стаў відэазапіс, які разышоўся ў інтэрнэце. Па дадзеных партала Interia, ролік тычыўся нібыта планаваных нападаў на школы ў межах «крывавай пятніцы». Мясцовыя СМІ паведамлялі, што яго аўтар пагражаў уладкаваць «разню ў Пшаснышы».
Мясцовыя паліцэйскія хутка заняліся гэтай справай. Яны затрымалі 17‑гадовага жыхара Пшаснышскага павяту, які, як мяркуецца, і з'яўляецца аўтарам відэазапісу.
Трывожныя паведамленні з'явіліся і ў іншых населеных пунктах. У Сярпцы паліцыя затрымала 17‑гадовага падлетка, які, па словах відавочцаў, гаварыў пра свой намер прычыніць камусьці шкоду ў школе. Пры ім выявілі два нажы. У гэтым выпадку ключавую ролю адыгралі вучні і настаўнікі, якія перадалі паліцыі інфармацыю пра яго паводзіны.
Улады некалькіх населеных пунктаў Мазавецкага ваяводства распарадзіліся аб частковым або поўным закрыцці школ на пятніцу.
Дэпутатка, якая рыхтуе прыгажунь для Лукашэнкі, выйшла замуж12
Каментары
а будзе яшчэ горш
Когда в соцсетях разгоняют про «кровавую пятницу» в польских школах, где же все наши эксперты по геополитике? Почему никто не пишет про «польский мир»? Где гневные разоблачения про генетическую тягу к шляхетским разборкам?
Где, в конце концов, цитаты Черчилля про «гиену Европы»? Или это другое, и польские подростки устраивают «движуху» исключительно из-за чрезмерного употребления журека и фляков?
А наконт Польшчы, у яе грамадстве назіраюцца таксама хваравітыя наратывы ды нелюбоў да іншых (а часам нават і шавінізм).