Гісторыя4040

«Я заліп, заліпайце і вы». Гурневіч пра новы гістарычны праект «Карона Вітаўта»

Журналіст «Свабоды» Дзмітрый Гурневіч падзяліўся сваім захапленнем ад працы беларускіх гісторыкаў і папулярызатараў, якія, нягледзячы на «эру тык-токаў і ютуба», запусцілі гістарычны анлайн-часопіс «Карона Вітаўта». «Для Цябе, Беларусь», — такі там пасыл ад аўтараў.

Вось ёсць жа ў кагосьці імпэт. Група беларускіх гісторыкаў і папулярызатараў нашай мінуўшчыны запусціла гістарычны анлайн-часопіс «Карона Вітаўта». У эру тык-токаў і ютуба, нам прапануюць ізноў чытаць. І гэта цікава. Тым больш, што там сенсацыя на сенсацыі. Я пра такое і не чуў. Сайт працуе на беларускай і расейскай. Там ужо каля 20 артыкулаў, штотыдзень будзе з’яўляцца некалькі новых. Там файныя тэмы і сюжэты, многія пра якія для мяне абсалютна з новымі цікавымі паваротамі.

Касцюшка аддаў грошы на свабоду амерыканскіх рабоў. Але сваякі з Беларусі былі супраць і забралі ўсё да апошняга цэнта, яшчэ і працэнты. У справе была задзейнічана нават Расейская амбасада ў Вашынгтоне.

Напрыклад, «Цень Вітаўта. Гэта яна «падчышчала» за вялікім князем», прысвечаны дыпламатцы, візіянерцы, харызматычнай асобе — Ганне Кейстутовіч, жонцы князя Вітаўта. Сучаснікі Ганны сцвярджалі, што яна была адной з найпрыгажэйшых жанчын ва Усходняй Еўропе. І надта дзелавой і эфектыўнай.

Як пачыналі беларускія анархісты. Былі часы, калі Беларусь вяла рэй у анархісцкім руху Усходняй Еўропы. Гродна і Беласток, які тады адміністратыўна ўваходзіў у Гродзенскую губерню — гэтыя два гарады былі наймацнейшымі цэнтрамі анархізму ў Расейскай імперыі.

Кіраваць вечна. Сакрэты дыеты Ягайлы, Жыгімонта, Казіміра. 

Ці ведаеце, што каралям Кароны і вялікім князям ВКЛ катэгарычна было забаронена спажываць дыні? А рыбны рэцэпт ад нясвіжскіх Радзівілаў стаў папулярнай стравай імперскай кухні Аўстра-Венгрыі?

Чым беларусы здзіўлялі свет у ХІХ-ым стагоддзі. Пра гісторыю ўдзелу беларусаў у сусветных выставачных форумах. Ці шмат хто ведае, пра тое, што ў Лондане срэбраным медалём была ўзнагароджана аўсянка, якая выраблялася ў Ляўках Горацкага павета? Беларускую тытунёвую прадукцыю, напрыклад, адзначылі срэбраным медалём на міжнародных выставах у Амстэрдаме (1883 год), Новым Арлеане (1885 год), сусветнай выставе 1889 года ў Парыжы і залатым медалём на міжнароднай выставе ў Турыне 1911 года.

Раздзел «Постаці». І там ізноў неспадзяванка. Францішак Папроцкі — першы галоўны рэдактар першай рэгулярнай газеты ў Вялікім Княстве Літоўскім. Народжаны ў Беларусі 10 чэрвеня 1723 года, праўдападобна, на Меншчыне.

Шыкоўна, што ва ўсёй гэтай цемры людзям хочацца рабіць. «Для Цябе, Беларусь», — такі там пасыл ад аўтараў. Дзякуй, добрыя людзі! Я заліп, заліпайце і вы.

Каментары40

  • Гісторык
    30.04.2026
    Гэтыя гісторыкі пішуць аб гісторыі краіны якая больш не існуе. У тым ліку таму, што яны самі выракліся ад яе гісторыі, называючы сваю краіну імперскай назваю.
  • Літвін
    30.04.2026
    Вітаўт быў літоўскім альбо беларускім князем? Няўжо Беларусь існавала калі жыў Касцюшка? А за што ды супраць чаго змагаўся Касцюшка, які сябе ды сваіх суайчыннікаў называў літвінамі?
  • трэба кнопка
    30.04.2026
    Класны праект, але кнопкі ENG у правым верхнім куце бракуе.
    Калі твайго наратыву няма на міжнароднай мове - яго няма. Досвед усіх суседзяў гэта пацвярджае.

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць