Ціханоўская па запрашэнні Наўроцкага ўдзельнічала ў святкаваннях з нагоды Дня Канстытуцыі ў Польшчы
Ціханоўская падкрэсліла, што Канстытуцыя 3 траўня — першая ў Еўропе — мае значэнне і для беларусаў, бо гэта частка нашай агульнай еўрапейскай спадчыны.
Святлана Ціханоўская ўдзельнічала ў святкаваннях з нагоды Дня Канстытуцыі 3 траўня ў Польшчы, паведамляе яе прэс-служба. На запрашэнне прэзідэнта Польшчы яна прысутнічала на цырымоніі ўзнагароджання Анджэя Пачобута ордэнам Белага Арла — найвышэйшай дзяржаўнай узнагародай Польшчы.
Пасля, разам з намеснікам кіраўніцы Аб’яднанага пераходнага кабінета Паўлам Латушкам і прадстаўнікамі польскіх уладаў, Ціханоўская прайшла ўрачыстым маршам па цэнтры Варшавы і ўзяла ўдзел у мерапрыемствах у Прэзідэнцкім палацы.
Ціханоўская падкрэсліла, што Канстытуцыя 3 траўня — першая ў Еўропе — мае значэнне і для беларусаў, бо гэта частка нашай агульнай еўрапейскай спадчыны.
Яна адзначыла, што гэты дакумент заклаў прынцыпы, за якія беларусы змагаюцца і сёння: абмежаваную ўладу, адказнасць перад грамадствам і вяршэнства права.
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»42
Каментары