Гомельскі завод «Камунальнік» пачаў выпуск невялікай печкі-ракеты, прызначанай для адпачынку на прыродзе і дачных паездак. Прадпрыемства плануе прадставіць навінку на Гомельскім эканамічным форуме, які пройдзе ў канцы мая, піша выданне «Белка».
Печка разлічаная найперш на дачнікаў, турыстаў і аматараў пікнікоў. Яна працуе на дровах або пелетах, простая ў выкарыстанні і дазваляе гатаваць ежу на адкрытым паветры. На верхнюю частку металічнай трубы можна ставіць казан.
Падобныя печкі ўжо выпускаюць і іншыя вытворцы, але гомельскі варыянт адрозніваецца вельмі кампактнымі памерамі. Па словах кіраўніцтва завода, новая мадэль будзе амаль «чамаданнага» фармату, таму яе зручна браць з сабой у падарожжы.
На прадпрыемстве адзначаюць, што попыт на такую прадукцыю ўжо ёсць, таму разглядаецца магчымасць продажу праз маркетплэйсы. Кошт печкі плануюць зрабіць каля 170 беларускіх рублёў. Пры гэтым купіць яе можна ўжо цяпер непасрэдна ў вытворцы.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары