Ці абавязаныя рэстараны даваць ваду кліентам: гучнае рашэнне суда ў турыстычнай Італіі
Італія традыцыйна застаецца адным з самых папулярных турыстычных кірункаў у свеце, дзе кожная дэталь мясцовага сэрвісу здольная паўплываць на адпачынак мільёнаў турыстаў.
Вярхоўны касацыйны суд Італіі пастанавіў, што пяцізоркавы гатэль у Даламітавых Альпах дзейнічаў законна, калі адмовіўся даць турыстцы ваду з-пад крана, піша BBC.
Жыхарка Рыма безвынікова даводзіла, што «вада — гэта прыродны рэсурс, кожны чалавек мае на яе права». Гэта адбылося пасля таго, як падчас лыжнага сезона 2019 года афіцыянт у рэстаране гатэля Sassongher у Карвары прапанаваў ёй толькі бутыляваную мінеральную ваду за €7.
Як паведамляюць італьянскія СМІ, суд адхіліў яе пазоў аб выплаце €2700 для кампенсацыі маральнай і эканамічнай шкоды.
Сільвіа Белардзі, адвакат гатэля, адзначыў, што суд пастанавіў: «абавязацельстваў даваць ваду з-пад крана не існуе». Паводле яго слоў, спачатку справу адхіліў суд Рыма, пасля — апеляцыйны суд, а цяпер і касацыйны.
Жанчына сцвярджала, што персанал парушыў яе правы як спажыўца, і параўноўвала патрабаванне вады з «наяўнасцю ложка з бялізнай» ці «мыла ў ванным пакоі». Аднак адвакаты абгрунтавалі пазіцыю тым, што палітыка многіх устаноў высокага класа палягае ў падачы да стала толькі залітаванай бутыляванай вады.
Суддзі Вярхоўнага касацыйнага суда пацвердзілі, што італьянскія законы не абавязваюць установы даваць гасцям ваду з-пад крана, таму кожная з іх прымае такое рашэнне самастойна.
Цяпер чытаюць
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне8
Каментары
[Зрэдагавана]