Дзмітрый Баскаў узначаліў назіральную раду хакейнага клуба «Дынама-Мінск»
Хакейны клуб «Дынама-Мінск» паведаміў пра змену кіраўніка назіральнай рады. Яе новым старшынёй стаў Дзмітрый Баскаў, які акурат сёння паведаміў пра заканчэнне сваёй пяцігадовай дыскваліфікацыі.
Раней Баскаў быў генеральным дырэктарам «Дынама-Мінск», а пасля ўзначаліў Федэрацыю хакея Беларусі. У верасні 2021 года Дысцыплінарная рада Міжнароднай федэрацыі хакея на лёдзе (IIHF) адхіліла яго ад любой дзейнасці, звязанай з хакеем, на пяць гадоў. Тэрмін дыскваліфікацыі цяпер скончыўся, пра што Баскаў урачыста паведаміў у сваім тэлеграм-канале.
8 верасня 2021 года Міжнародная федэрацыя хакея (IIHF) прыняла рашэнне накласці санкцыі на Дзмітрыя Баскава. Яго абвінавацілі ў злоўжыванні службовым становішчам, ціску на спартоўцаў і датычнасці да смерці 12 ліспапада 2020 года Рамана Бандарэнкі, дыскваліфікаваўшы на пяць гадоў.
Згодна з афіцыйным рашэннем IIHF, дыскваліфікацыя пачалася 10 верасня 2021 года і скончылася 9 верасня 2026 года.
Назіральная рада з'яўляецца вышэйшым органам кіравання клубам «Дынама-Мінск». Яе стварылі ў 2010 годзе. Рада вызначае фінансавую, трансферную і інфармацыйную палітыку каманды, а таксама займаецца спартыўнымі і кадравымі пытаннямі.
У абноўлены склад назіральнай рады таксама ўвайшлі намеснік міністра ўнутраных спраў Генадзь Казакевіч, старшыня БФСТ «Дынама» Дзмітрый Балаба, начальнік упраўлення нацыянальных камандаў Міністэрства спорту Міхаіл Пракапенка і генеральны сакратар Федэрацыі хакея Беларусі Андрэй Башко.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос22
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары
Афігенны склад назіральнай рады: амап+губазік+прыкарытны какеіст - мадэль рэжыму ў мініяцюры. Хто на гэту мусарскую "каманду" ходзіць, той або дурань, або нягоднік. Лепш першае, карысней для чысціні кармы.