У Паўночнай Карэі абверглі інфармацыю пра кому Кім Чэн Ына на фоне чутак пра яе
Паўночнакарэйскае агенцтва ЦТАК 20 кастрычніка паведаміла, што Кім Чэн Ын наведаў Агульнадзяржаўную выставу адзення і абутку.
Напярэдадні з'явіліся чуткі, што нібыта Кім Чэн Ын трапіў у кому пасля кровазліцця ў мозг.
«У інтэрнэце распаўсюджваюцца чуткі пра тое, што лідар КНДР Кім Чэн Ын упаў у кому пасля кровазліцця ў мозг. Карыстальнікі сацыяльных сетак сцвярджаюць, што паўночнакарэйскага лідара экстранна даставілі ў бальніцу ў Кітаі пасля цяжкага кровазліцця, каб аказаць яму тэрміновую медыцынскую дапамогу», — апісаў чуткі пракрамлёўскі тэлеграм-канал «Пул №3».
Паводле непацверджаных звестак, Кім Чэн Ына вывезлі з краіны праз нізкі ўзровень медыцынскага абслугоўвання ў Пхеньяне, а згодна з чуткамі, якія распаўсюджваюцца ў інтэрнэце, яго даставілі ў Пекінскі аб’яднаны медыцынскі каледж, дзе яму нібыта аказалі экстранную дапамогу.
Апошні раз Кім Чэн Ына нібыта бачылі на публіцы 11 кастрычніка падчас наведвання музея ваеннай тэхнікі ў Пхеньяне.
У 2020 годзе ў сацыяльных сетках таксама актыўна распаўсюджваліся паведамленні пра смерць Кім Чэн Ына пасля таго, як ён на некалькі месяцаў знік з публічнай прасторы, нагадвае Пул №3.
На думку экспертаў, у выпадку смерці Кім Чэн Ына менавіта яго сястра Кім Ё Чжон, дырэктар Аддзела прапаганды і агітацыі ЦК Працоўнай партыі Паўночнай Карэі, можа часова ўзначаліць краіну. Яна ўжо мае значны ўплыў у паўночнакарэйскім кіраўніцтве.
Разам з тым сёння Цэнтральнае паўночнакарэйскае агенцтва апублікавала навіну, што ўчора Кім разам з дачкой, з якой ён апошнім часам рэгулярна з'яўляецца на ўсіх мерапрыемствах, агледзеў экспазіцыю ў суправаджэнні вядучых партыйных і ўрадавых чыноўнікаў.
«Кім выказаў задавальненне маштабам выставы і якасцю прадукцыі. Ён заклікаў надаваць больш увагі дызайну, выпускаць вырабы з элементамі дзяржаўнага сцяга, а таксама забяспечваць якасць школьнай і студэнцкай формы, партфеляў і абутку», — піша ЦТАК.
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары