Хакейную зборную Беларусі пакуль не вярнулі на міжнародныя спаборніцтвы
Не вярнулі і моладзевую мужчынскую зборную.
Мужчынская і моладзевая зборныя Беларусі не згуляюць у наступным годзе на чэмпіянатах свету, такое рашэнне было прынята сёння на кангрэсе Міжнароднай федэрацыі хакею, піша «Хакейная экзотыка».
Сёння дысцыплінарны савет Міжнароднай федэрацыі хакея на лёдзе ануляваў рашэнне Савета ІІХФ аб нядопуску зборных Расіі і Беларусі да спаборніцтваў сезона-2026/27.
Так, юніёрскую хлапечую зборную Беларусі (узрост гульцоў да 18 гадоў) дапусцілі на чэмпіянат свету ў наступным годзе. Таксама будуць заснаваныя жаночыя нацыянальная і моладзевая зборныя.
Беларускія хакеісты знаходзіліся ў хакейным бане разам з расійскім хакеем з пачаткам поўнамаштабнай вайны супраць Украіны з лютага 2022 года. Напрыклад, «дарослыя» хакеісты прапусцілі пяць чэмпіянатаў свету, а таксама кваліфікацыю на Алімпіяду-2026.
Падчас ЧС-2021 нацыянальная хакейная зборная заняла апошняе месца ў сваёй групе і павінна была вылецець у першы дывізіён. Моладзевая зборная, наадварот, у снежні 2021 года выйграла турнір у першым дывізіёне і на наступны год павінна была гуляць у эліце.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары