Bližejšy vystup TonqiXod adbudziecca 28 listapada ŭ kłubie TNT. Uvachod volny.
Minska-rečycki hurt TonqiXod (TonkiChod) prezientuje svaju debiutnuju studyjnuju pracu — kampazicyju na vierš «Nasypać hory»
«Reč u tym, što ja vyjhraŭ konkurs u miežach kampanii «Hramadzianskaść. BY» sa svaim vieršam pra hory, a pryzam była mahčymaść zapisać aŭdyjo dla hetaha vierša i źniać klip. Z klipam nie zrasłosia, a voś admysłovuju kampazicyju my zapisali», — raskazvaje hitaryst, vakalist i aŭtar tekstu Uładź Lankievič.
Maksim Subač, jaki adkazvaje ŭ hurcie za kłavišy i druhi vakał, dadaje, što hałoŭnaj prablemaj pry napisańni muzyki było abmiežavańnie času.
«Vierš byŭ daŭno hatovy i isnavaŭ sam pa sabie, a muzyka pavinna była źjavicca chutka i harmanična jaho dapoŭnić. Pieršaja častka kampazicyi atrymałasia źlohku depresiŭnaj, ale tekst utrymlivaje ŭ sabie niamała ironii i niejtralizuje zmročnaść.
Druhaja ž častka, u procivahu pieršaj, atrymałasia enierhičnaj i navat trochi papsovaj. Adnak, kab kančatkova zabłytać słuchača ŭ tym, što heta naohuł za «pieśnia», my vyrašyli pačać i skončyć trek mrojnymi napievami i vopleskami ŭ duchu psichadeličnych 1960-ch», — tłumačyć Maksim.
Zapisvałasia kampazicyja «Nasypać hory» častkova doma, častkova na Studio 33 i na chatniaj studyi Paŭła Niakrasava. Źviadzieńnie i majstarynh rabiŭ Jaŭhien Suchaviej, viadomy pa pracach z roznymi biełaruskimi indy-hurtami.
Trya TonqiXod uźnikła ŭ 2011. U jaho skład uvachodziać Maksim Subač (kłavišy, vakał), Uładzimir Lankievič (hitara, vakał) i Andrej Alaksiejenka (bubny).
Doŭhi čas muzyki repietavali i pisali materyjał, a na pačatku 2013 pačali stała vystupać razam. TonqiXod daŭ šerah kancertaŭ u roznych kłubach Minska, na adkryćciach vystavaŭ u muziejach i na litaraturnych fiestyvalach.
Pa vynikach pracy ŭ 2013 hurt naminavany na premiju «Debiut hodu» pa viersii muzyčnaha sajtu Tuzin.fm.
Chto zabaraniaje ŭ Biełarusi knihi — voś hetyja 22 čałavieki33
Chto zabaraniaje ŭ Biełarusi knihi — voś hetyja 22 čałavieki
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary