Staršynia «viarchoŭnaha savieta» samaabvieščanaj Danieckaj narodnaj respubliki Dzianis Pušylin ŭ piatnicu ŭviečary adpraŭleny ŭ adstaŭku pa ŭłasnym žadańni, paviedamiŭ rasijskamu ahienctvu «Interfaks» vice-śpikier respublikanskaha parłamienta Uładzimir Makovič.
«Dzianis ciapier znachodzicca ŭ Maskvie. Jon dasłaŭ na majo imia list z prośbaj ab sychodzie z zajmanaj pasady pa ŭłasnym žadańni. Na siesii savieta hetaje pytańnie byŭ pastaŭleny na hałasavańnie. Deputaty padtrymali adstaŭku Pušylina», — zajaviŭ vice-śpikier.
Jon nie ŭdakładniŭ, ź jakich pryčynaŭ śpikier parłamienta samaabvieščanaj respubliki vyrašyŭ syści ŭ adstaŭku. Kamientaroŭ z boku samoha Pušylina pakul nie było.
Pa słovach Makoviča, ciapier abaviazki śpikiera parłamienta vykonvaje jon. Miesca kiraŭnika parłamienta zastajecca vakantnym. Da nastupnaha pasiadžeńnia Viarchoŭnaha savieta buduć padadzienyja kandydatury pretendentaŭ na pasadu, pavodle «kanstytucyi» DNR, kiraŭnika dziaržavy.
Pušylin, ruski rodam z Makiejeŭki, a ŭ minułym — adzin z kiraŭnikoŭ ukrainskaha adździaleńnia piramidy MMM, byŭ adnym ź niešmatlikich uradžencaŭ Danbasa siarod lidaraŭ DNR i ŁNR.
Kamientary